سلام من روحي.. للغالية البحرين
يعبر سماها بشوق.. ويعم أراضيها
زانت مثل دانه.. تتلالى وسط العين
من وين ماناظرت.. تلقى الضيا فيها

تسمى بمحبةْ ناس.. في الدار متوصين
ماتلقى غير الود.. بنفوس اهاليها

حلوه سوالفهم.. بطباعهم وافين
في دمهم فزعات.. في الجد تلقيها

في ظل ابوسلمان.. في كل يوم اتزين
تمضي بشموخ وعز.. وترقى معاليها
ملكنا رمز الخير.. حامي العدل والدين
راعي السجايا الي.. محال نحصيها

ومن عاشق الإنجاز.. تسبق عمر لسنين
ولي عهد الخير.. سلمان حاميها

عالي الفكر والصيت.. تزهر به البحرين
بالعزم طورها.. وحقق أمانيها