‫[كلمات أغنية "شكراً"]

[المقدمة]
شكراً للي مشرفنا واللي عمره في يوم ما خذلنا
واللي في الضهر تملي في أفراحنا وقبلها أحزانا
والناس الشايلة همومنا واللي قابلينا بعيوبنا
واللي جابرين خواطرنا بجد الدنيا دي بيهم جنة

[المقطع الأول]
شكراً ع الكلمة الحلوة اللي بتتقال فتغير مودنا
شكراً للناس اللي فارق جداً في حياتها وجودنا
شكراً ع النية الصافية ولناس بوعودها وافية
دايماً في الشدة وجودهم بيهونلنا أصعب محنة

[اللازمة]
شكراً على أجمل ضحكة (شكراً)
ولكل الناس السالكة
اللي على العشرة بتبقى
بهديلهم ١٠٠ مليون وردة
شكراً على رد الغيبة
والقلب المليان طيبة
والشكر لكل حبيبة
واقفة في ضهر حبيبها وساندة

[المقطع الثاني]
شكراً على حب الخير للغير من غير أي نفسية
ولأي نصيحة تطلع من قلب لقلب في وقتها جاية
وصحاب مالهاش في مصالح مهما زعلت بتسامح
وقلوب بأقل قليل حامده وشاكره وكمان مرضية
[اللازمة]
شكراً على أجمل ضحكة
ولكل الناس السالكة
اللي على العشرة بتبقى
بهديلهم ١٠٠ مليون وردة
شكراً على رد الغيبة
والقلب المليان طيبة
والشكر لكل حبيبة
واقفة في ضهر حبيبها وساندة

[الخاتمة]
شكراً
شكراً ع الكلمة الحلوة اللي بتتقال فتغير مودنا
شكراً للناس اللي فارق جداً في حياتها وجودنا
شكراً ع النية الصافية ولناس بوعودها وافية
دايماً في الشدة وجودهم بيهونلنا أصعب محنة