He ʻala nei e māpu mai nei
Nā ka makani lau aheahe
I lawe mai i kuʻu nui kino
Hoʻopumehana i kuʻu poli

E ke hoa o ke Ahe lau makani
Halihaliʻala o kuʻu ʻāina

He ʻala nei e moani mai nei
Na ka ua noe Līlīlehua
I lawe mai i kuʻu poli
Hoʻopumehana i ke aloha

He ʻala nei e puia mai nei
Na ka makani anu kolonahe
I lawe mai nā a pili
Hoʻopumehana i ka manaʻo

He ʻala nei e aheahe mai nei
Na ka leo hone a nā manu
I lawe mai a loaʻa au
Hoʻopumehana i ko leo