[Verse 1]
Shehar se bahar rahoon, shehar ka pyaar bhi hoon
Pukaray hain naam ab log
Mash'hoor bhi hoon, awazaar bhi hoon
Ghar ki deewar banun, samajh se bahar bhi hoon
Dilon mein khawab ki tarah main door bhi hoon
Be-misaal bhi hoon
Har dil ki awaaz banun, Khuda ka nizaam jo hoon
Aayi bahaar tou likhay ash'aar, ya dil-o-dimag mein hoon
Soch wo kya he kahoon, meri har saans mein tu
Aaj phir aayi naa tu
Khamosh bhi hoon, khud'daar bhi hoon
Kahani hai do aashiqon ki
Sun saki na pehle dil ki ab tu aashiq ho gi
Manzil tujh ko haasil hogi
Yaad aati hogi beshak baatein faaslon ki
Bhaage tere peeche choray bastay
Duniya wale mujh pe hanstay
Badlay nahin, haan badlay rastay
Logon ki nazar se bachtay
Aakhir kya he kartay sajj ke
Aaj bhi likhtay sirf sach pe
Naa barastay, naa garajtay
Seh rahay ye saja samajh ke
Ye shaam aur tere intezaar mein kharay
Usi ke naaray, khud se jangein saari haar ke
Bulana chahtay par bulatey kaise
Tanhayi mein bhi yadein hain hamesha mera sath dеin aaj phir
[Chorus]
Yaad teri aa he gayi
Laut ke tu aayi nahin
Kya hе likhoon teri tareef mein?
Tu wo aag jo bukhayi he nahin
Yaad teri aa he gayi
Laut ke tu aayi nahin
Aaj phir tu khawab
Aaj phir wohi tasweer
Jo aaj tak jalaayi nahin

[Verse 2]
Tere bin ye kaisi zindagi
Soz-e-gham bani hai ye zindagi
Naa uljhay hain kabhi
Naa he uljhein ge abhi
Kya sirf dikhawa hai ye zindagi
Ab koi jaanay ki bhi zid nahin
Badla nahi hai zakhmi dil kabhi
Kahaniyan kuch un-suni nahin un-kahi
Kya ab tamasha ban gayi zindagi
Ye duniya matlabi, main falsafi, aa parh kabhi
Wo baatein mantaqi, wo samjhay sirf sar-sari
Guzray pal nahin ye ghar lagay ab ghar nahin
Fakhar hai khud pe nahin, kaatay tere parr kabhi
Kal tak jo paas ab wo ja chuka hai door
Teri awaaz sun ke aata tha sukoon
Kar dena maaf agar ho gayi koi bhool
Ghar hua khaali, wohi mitti, wohi dhool
Kya mera qusoor? Kya tera qusoor?
Sab poochein kuch chahiye
Mujhe chahiye hai bas tu
Tu hi meri saans jaise, tu he hai lahoo
Sach kahoon tou tere bin main adhoora hoon
[Chorus]
Yaad teri aa he gayi
Laut ke tu aayi nahin
Kya he likhoon teri tareef mein?
Tu wo aag jo bukhayi he nahin
Yaad teri aa he gayi
Laut ke tu aayi nahin
Aaj phir tu khawab
Aaj phir wohi tasweer
Jo aaj tak jalaayi nahin