[达明一派「给大卫的情书 (Live)」的歌词]

[读白]
欸，好多谢你哋。 Umm，其实要讲慨嘢呢喺我哋啲歌里面都讲晒。啊，我只系想同大家分享，啊，分享一封信。呢一封信系一封情书嚟慨。

「亲爱的大卫·宝儿，ashes to ashes, funk to funky，你离开咗我哋已经一年有多。你踏住星尘回到你嗰个黑色慨星球，但系你慨音乐、你慨歌、你写过一字一句，却继续存活喺我慨心里面。关于你，有一个歌手Jarvis Cocker曾经啖讲，佢话：『He was like an umbrella for people who felt a bit different.』意思啫系话对于我哋呢一啲异类、异种嚟讲呢，你就系撑住我哋慨一把伞。当我哋害怕，当我哋害怕自己异于常人，或者当我哋被社会打垮慨时候，你慨歌总系会让我重新得力，让我哋重新得力。1997年香港回归嗰一年，你同林夕合作写咗一首歌叫做〈刹那天地〉，里面不断啖唱住：
『我祝福你 天地不过一刹那
我祝福你 一生一刹那』
我想将呢一首歌送畀天上慨你，亦都希望你喺上面保佑，保佑我哋，保佑嗰啲被呢个社会打垮，被呢个社会令到渠哋觉得好挫败慨一群。渠哋系边个？其实系好多人。渠哋系可能系包括叱咤于漆黑街中慨马路天使、皇后大道、十个救火的少年。或者系仍然爱住老大哥慨Winston同埋Julia，等待一个明月出现慨青豆添。同埋，寻找理想慨家明、罗宾，重有Alexter、Ken Tsang、梁天琦。重有亲爱的玛嘉烈、露丝玛莉、劳斯莱斯、秀丽乐敏、伟业永达，所有灯光里飞驰失意慨孩子。无论个世界有几坏，我哋有几咁失败，我哋觉得自己有几咁奇怪，系呢个黑色星球慨你，请你祝福我哋。 」