[达明一派「关于英雄 (Live)」的歌词]

[读白]
我重未冧慨，我重喺度。 *观众欢呼*
啊，其实呢几日呢，大家都系系咪冇心离开或者嚟睇演唱会，因为大家都挂住，挂住选举吖嘛？挂咩呢？ *笑声* 你哋都冇票！ *观众欢呼* 瞓醒咗，就知道听日边个系我哋慨未来特首。 *观众嘘声* *笑声* 然后， 啫系呢啲大锣大鼓呢啲做到真系假戏真做啖样呢。 *笑声* 我觉得，欸，选出嚟嗰个人呢其实唔系一个赐畀我哋幸福慨人。头先我都讲过，幸福系要我哋双手自己去创造，自己去寻找慨。其实，使乜等到听日啊？我哋慨社会已经撕裂咗好耐，其实世界都系。 Umm，欧洲、美国，吓都——都搞成啖吓。我哋慨世界其实系越嚟越撕裂，越嚟越分开，越嚟越多围墙。 Umm，我哋慨世界其实，umm，系要每一个人一齐去拆呢一埲围墙。所以，听日选到边个，嗰个唔系你心目中慨英雄。因为呢个世界其实系唔需要英雄，因为呢个世界其实系需要我哋每一个人都系英雄。
我记得喺，umm，David Bowie喺七十年代冷战慨时候呢，喺东柏林西柏林嗰度呢，渠成日喺度——啫系喺度录音㗎。啖喺西柏林写咗一首歌，系讲关于围墙之下慨一对恋人。然后渠喺十年之后慨1987年，渠呢就系喺，啊西柏林慨围墙慨旁边，演唱咗呢一首慨啊〈Heroes〉。渠系——啲喇叭呢系对住晒围墙嗰边慨东柏林。呢一首歌激发咗好多人慨人心，亦搞起——搞咗好大慨骚动喺东柏林。然后冇几耐，两年之后89年，围墙就倒下啦。
我觉得，所有渴望自由慨人都系英雄，唔系投票选出嚟嗰个。投票选出嚟嗰个，我哋继续去监察渠有冇行差踏错。 *观众拍手* 记住，我哋唔需要英雄嚟拯救我哋，我哋需要每一个人都成为英雄救自己。 *观众拍手*