[Paroles de L7or "Ya Omri"]

[المقطع الأول]
عذروني البعاد وحبابي حطو فعنقي سيف
تقسم المظل فاليد وخدلني بريح خفيف
اجي تقرا كتابي نسيك شمس المعاريف
ندفى بالبرد ونتغطى بسمرة العصيف
الايام والاعوام تحكي وتعاود ضروفي
فيا يا حنينة شوفي وحسي بالجراح لي ف جوفي
عايم والعوام البحر مايشوف لا خوفو والا خوفي
والامواج تغرق وتنجي وخدي تواسيه كفوفي
راه فبالي شلى سنين و لي فات ومات
ساهي وخيالي راح فين خليت الذكريات
ماشي فين وجيت منين ومنين جراحي جات
ماهي حكاية را حكايات لي خلات رموشي حنات
واش دمايات الجراح السايلة من جناح الطير
ماشي كافية و مبقاش من الدم كتير
والشمع ما بقات فيه عافية و الفتيل شنو غيدير
والدنيا غابة يابا شبت وباقي صغير

[الجسر]
مرة معايا ومرة عليا
ضربة ف الزمان و ضربة فيا
يا عمري فين ماشي بيا
ماتخافوش تغلب النية
[اللازمة]
أنا لي
مرة معايا ومرة عليا
بغي نقول بلي
ضربة ف الزمان و ضربة فيا
طاير ومعلي
يا عمري فين ماشي بيا
وخا من ولي
ماتخافوش تغلب النية

[المقطع الثاني]
جواري خالي وما ليا ونيس من غير ظلي
يا القمرة طلي راه ما جانيش النوم
ليالي مكسور جناحي طاير ومعلي
رايح ومخلي كولشي وعكس الامواج نعوم
جات ساعة باش العيون تحكي وتتكلم
والشفار ينوب على اليدين ويرفض يسلم
ماوفات حروف ولا كلمات وعقول تخمم
بشوفات ندويو ونخليو القلب يتألم
وبلا ميعاد فهاد المكان حضرت وجيت
مانسيت لي بكاني ولي كرهني ولي بغيت
خاين يا زهر و فوام تهضر تهدم لي بنيت
وياريت يا عمر نقدر نعيش كيف ما تمنيت
وادا جيت ف منامك يالي مغمض العيون
باش نضوي بيتك لاكان مظلام وبلا لون
[الجسر]
مرة معايا ومرة عليا
ضربة ف الزمان و ضربة فيا
يا عمري فين ماشي بيا
ماتخافوش تغلب النية

[اللازمة]
أنا لي
مرة معايا ومرة عليا
بغي نقول بلي
ضربة ف الزمان و ضربة فيا
طاير ومعلي
يا عمري فين ماشي بيا
وخا من ولي
ماتخافوش تغلب النية