[المقطع الأول: نوال]
إنت لو كنت بتهتم
إنت لو كان عندك دم
إنت لو بتحس يا عم
هتعرف إيه اللي مزعلني
ما إنت لو كنت بتهتم
ومالية عينك كنت هتتلم
إنت لو كنت بتفهم
ما تزعلنيش وتدلعني

[اللازمة: مسلم]
مخاصمك
وإبعدي عني أنا مش طايقك
أيوة مش عايز أبقى معاكي
ما تورينيش وشك تاني
مخاصمك
مجنونة بجد أنا مش فاهمك
مش عايز عيني تشوف شكلك
ولا أسمع صوتك في وداني

[المقطع الثاني: نوال]
عينك رايحة ورا أي بنت
وأنا مش شاكة، ده أنا إتأكدت
وبتشتكي لو جيت نكدت
والناس تقول غلبان يا حرام
شكلك عاوز علاقتنا تبوظ
وبتشتكي من لوي البوز
مش هتصالح غير وقت ما أعوز
ما تجيش تجر معايا كلام
[اللازمة: نوال]
مخصماك
وإبعد عني أنا مش طايقاك
سيبني مش عايزة أبقى معاك
ما تورينيش وشك تاني
مخصماك
مجنون بجد أنا مش فاهمك
مش عايزة عيني تكون شايفاك
ولا أسمع صوتك في وداني

[المقطع الثالث: مسلم]
إنتي حد ما عندوش قلب
إركني العشرة دي على جنب
ده إنتي نص كلامك كدب
نفسي بقى تبطلي حوارات
إنتي ملك اللامبالاة
إنتي حد تعبني معاه
حد ماشي يرمي وراه
ماشي بمبدأ عدى وفات

[اللازمة: نوال ومسلم]
مخصماك
وإبعد عني أنا مش طايقاك
سيبني مش عايزة أبقى معاك
ما تورينيش وشك تاني
مخاصمك
مجنونة بجد أنا مش فاهمك
مش عايز عيني تشوف شكلك
ولا أسمع صوتك في وداني