Ich setz in dem Zoch he drin
Mit nem Flachmann für de Ping
Nur ne joode ahle Jung der jet dräump
Un jedes kleine Kaff
Ries e Stöckche vun mir aff
E bessje Schwund es immer wenn de streunst

Un ich lüje wenn et sinn muß
Un ich kriesche wenn ich kann
Un ich stürve nit janz so ihlich
En dem Zoch noh Lummerland

Ich hann e Loch in beide Schoh
Blues ussem Radio
Ne lange Wääch ohne Rückfahrkaat
Ich sing dat einsame Lied
Sulang bis et Morje wed
"Hey Schaffner, simmer noch im selbe Staat?"

Un ich kriesche wenn et sinn muß
Un ich lüje wenn ich kann
Un ich stürve nit janz so ihlich
En dem Zoch noh Lummerland

Jedes Johr nemm ich de Zoch
Bei Wind un Wolkebruch
Schwermödige Geföhle in der Brust
Ich komm in Lummerland nie an
Anzekumme's nit der Plan
Ich mach nur dat Jeföhl ich kumm nahuss
Un ich lüje wenn et sinn muß
Un ich kriesche wenn ich kann
Un ich stürve nit janz so ihlich
En dem Zoch noh Lummerland

Un ich stürve nit janz so ihlich
He en dem Zoch noh Lummerland