[Verse 1: Ney Dimaculangan]
Maari bang makausap ka?
'Di na biro ang nararamdaman
Nalungkot sa aking buhay
Mula nang ika'y matauhan

[Chorus: Ney Dimaculangan]
Patawarin mo ako
Sa aking nagawang kasalanan, kasalanan
Patawarin mo ako
Sa aking nagawang kasalanan, kasalanan

[Verse 2: Ney Dimaculangan]
Maari bang mapigilan pa
Ang 'yong 'di maaming binabalak?
Nakalimutan mo na ang pagsasama
'Di na ba kayang mapagbigyan?

[Chorus: Ney Dimaculangan]
Patawarin mo ako
Sa aking nagawang kasalanan, kasalanan
Patawarin mo ako
Sa aking nagawang kasalanan, kasalanan

[Verse 3: Gloc-9]
Patawad ay isang salitang animo'y isang parusa
Ito'y sasambitin mo lang kung lahat ay huli na
At 'di na maibabalik ang dating pinagsamahan
Parang putik sa mukha na pinahid nang pabalang
Sa'yo lahat ay paharang dahil ayaw mong magparaya
Habang siya'y bigay na bigay at ipinauubaya
Lahat nang makakabuti kahit na panghuling-butil
Ay iaabot sa'yo, parang ika'y isang inutil
Na hindi nag-iisip, wala kang nararamdaman
Subukan mang pumikit, wala kang natatandaan
Lagi mong inaalala ang para lamang sa'yo
Walang iba kung 'di ikaw at kailanma'y walang kayo
Mapalad ka kung hihingan mo ng tawad ay nagagalit
Ika'y sasaktan, sumisigaw ng salitang pumupunit
Kaysa pilit mong kausapin ang 'di na sasagot
Akapin man nang mahigpit ay 'di mo na maabot
Patawad
[Bridge: Ney Dimaculangan]
'Di na mauulit, 'di na uulitin
Sana'y tanggapin mo

[Chorus: Ney Dimaculangan]
Patawarin mo ako
Sa aking nagawang kasalanan, kasalanan
Patawarin mo ako
Sa aking nagawang kasalanan, kasalanan

[Verse 4: Gloc-9]
Tayo'y nagkagulo't nagsigawan at halos magtulakan
Sa galit ko, ako'y lumayas at 'di ka binalikan
Nilimot ang lahat ng pangako at ang pagmamahal
Sumpaan natin sa isa't isa, 'di rin nagtagal
Ang gabi ay laging umaga, umaga'y laging gabi
Ako'y gumigising nang 'di ko kilala ang katabi
Paulit-ulit na ganito ngunit nang aking makita
Larawan mo sa loob ng aking lumang pitaka
Ay nalaman ko, hinanap ko ang tunay na sarili ko
Nakita ko, nalaman ko, ito ay nasa piling mo
Inipon ang lahat ng aking lakas ng loob
Ngunit bakit parang 'di maganda ang aking kutob
Nilapitan ka at pilit na tinitignan sa mata
Ako'y nagdarasal na sabihin mo sa'kin, pwede pa
Ika'y hindi kumikibo at parang lumalayo
Tila pag-ibig mo sa akin, tuluyan nang natuyo