[Chorus: Denise Barbacena]
Kahit sa patalim kumapit
Isang tuka, isang kahig ang mga kamay na may bahid ng galit
Kasama sa buhay na minana
Isang maling akala na ang taliwas kung minsan ay tama
Ang Hari ng Tondo, Hari ng Tondo
Baka mabansagan ka na Hari ng Tondo
Hari ng Tondo, Hari ng Tondo, oh
Baka mabansagan ka na Hari ng Tondo

[Verse 1: Gloc-9]
Minsan sa isang lugar sa Maynila
Maraming nangyayari ngunit takot ang dilang
Sabihin ang lahat, animo'y kagat-kagat
Kahit itago'y 'di mo pwedeng pigilin ang alamat na umusbong
Kahit na madami ang ulupong
At halos hindi iba ang laya sa pagkakulong
Sa kamay ng iilan, umaabusong kikilan
Ang lahat ng pumalag, walang tanong ay kitilan ng buhay
Hukay, luha'y magpapatunay
Kahit hindi makulay, kailangang magbigay-pugay
Sa kung sino ang lamang, mga bitukang halang
At kung wala kang alam ay yumuko ka na lang
Hanggang sa may nagpasya na sumalungat sa agos
Wasakin ang mga kadena na siyang gumagapos
Sa kwento na mas astig pa sa bagong-tahi na lonta
Sabay-sabay nating hawiin ang tabing na tolda

[Chorus: Denise Barbacena]
Kahit sa patalim kumapit
Isang tuka, isang kahig ang mga kamay na may bahid ng galit
Kasama sa buhay na minana
Isang maling akala na ang taliwas kung minsan ay tama
Ang Hari ng Tondo, Hari ng Tondo
Baka mabansagan ka na Hari ng Tondo
Hari ng Tondo, Hari ng Tondo, oh
Baka mabansagan ka na Hari ng Tondo

[Verse 2: Gloc-9]
Nilusong ang kanal na sa pangalan niya'y tumawag
Alang-alang sa iba, tsaka na muna ang patawad
Sa maling nagagawa na tila nagiging tama
Ang tunay na may kailangan ang siyang pinatatamasa
Lahat sila'y takot, nakakapaso ang 'yong galit
Mga bakal na may nagbabagang tinggang
Papalit-palit sa hangin na masangsang
Nakakapanghina ang nana at hindi mo matanggal
Na para bang sima ng panang
Nakakulawit subalit sa kabila ng lahat
Ay ang halimuyak lamang ng nag-iisang bulaklak
Ang siyang tanging naghahatid sa kaniya sa katinuan
At hindi ipagpapalit sa kahit na sino
Ngunit nang dumating ang araw na gusto na niyang talikuran
Ay huli na ang lahat at sa kamay ng kaibigan
Ipinasok ang tingga, tumulo ang dugo sa lonta
Ngayon, alam niyo na ang kwento ni Asiong Salonga

[Chorus: Denise Barbacena]
Kahit sa patalim kumapit
Isang tuka, isang kahig ang mga kamay na may bahid ng galit
Kasama sa buhay na minana
Isang maling akala na ang taliwas kung minsan ay tama (Let's go!)
Ang Hari ng Tondo, Hari ng Tondo
Baka mabansagan ka na Hari ng Tondo
Hari ng Tondo, Hari ng Tondo, oh
Baka mabansagan ka na Hari ng Tondo
Hari ng Tondo
Hari ng Tondo