[Verse 1]
Ako ngayo'y nakapikit
Samu't saring mga bagay ang naiisip
'Di mapigilan ang sarili na maghangad
'Di sa tinatamad
Ito ang aking paraan upang agad-agad
Na maranasan ang iba't ibang karanasan
Ako'y nalilibang sa gan'tong gawi
Ako'y nauuwi sa labis na pag-ngiti

[Pre-Chorus]
Lagi na lang ganito
Kailan kaya magpapakatotoo
Sa nararamdaman ng aking puso?

[Chorus]
Sa panaginip laging naiinip
Hindi mawari laman ng isip
Kada susulyap laging may hadlang
Kaya aking idinadaan sa pagpapantasya
Hanggang, hanggang, hanggang
Kailan ba 'ko maglalaan ng oras
Sa kakaisip ng mga senaryo, oh, mm?

[Verse 2]
Ipinagkait ng sansinukob
Mga tanyag ba na maari kong maging sagot
'Di 'pag nababagot
Ibabaling na naman sa pagsuot
Ng mapanlinlang na imahinasyon sa palaisipan
Walang puhon
'Di maiwasan kahit pa na labanan
Makakailan pa bang
[Pre-Chorus]
Lagi na lang ganito (Ganito, ganito)
Sana'y mga gusto'y maging totoo
Sa takdang panahon, ako'y makakaahon din

[Chorus]
Sa panaginip laging naiinip
Hindi mawari laman ng isip
Kada susulyap laging may hadlang
Kaya aking idinadaan sa pagpapantasya
Hanggang kailan ba 'ko
Magpapa-uto sa sariling mundo? (Hanggang, hanggang)
Kailan ba 'ko magpapa-uto sa sariling mundo, oh-woah, oh, woah
Kailan ba 'ko magpapa-uto sa sariling mundo?