[Bənd 1]
Can dastanıdır yazılan şeir
‘’Qan basmalıdır’’ var belə deyim
Mən yazmalıyam, çoxalıb eyib
Siz ölmək əvəzinə çoxalıb şəhid
Fironun tələsinə düşən olur meyit
Onlara önəmli moda və geyim
Hamısının adı dəftərimdə qeyd
Tanrı inancını oğurlayıb seyid

Var siyasət, adını qoyub soyqırım
İndi icazə ver mənə, qoy qırım
Çılpaq həqiqəti yenə soyundurum
Mənə düşmən göstər, ona toy tutum

Mənim Havuş dağlarında hər izim var
Borçalım, İrəvanım, Təbrizim var
Ağrılarım boyda Ağrı Dağım var
Faciələrim boyda Qarabağım var

Bu gündən tariximizi yaz buradan
Bura döyüş meydanı, mən Boz Qurdam
Gəlirəm boz ayda, qara çovğunam
Hər sorğuya cavab verilən doğruyam
Mən Türkəm, Türk oğluyam