[المقطع الأول]
جربت في مرة تقرب من إنسان مجروح
ضايع مهزوم محروم من طعم الفرح
ساعة ما إتألم إتكلم بحلاوة روح
راجع مجروح مش قادر يهرب من الجرح
جربت في مرة تقرب من إنسان مجروح
ضايع مهزوم محروم من طعم الفرح
ساعة ما إتألم إتكلم بحلاوة روح
راجع مجروح مش قادر يهرب من الجرح
إطمن حس بدفا في إيديك
حبيته لاقيته في حضنك طفل بريء (طفل بريء)
طيبت جراحه إديته عينيك
إديته مشاعرك مشيته طريق (مشيته طريق)
عرفته إزاي من تاني الفرح
يسكن مطرح كل الأحزان (الأحزان)
وزرعت أمان لاقيت الطرح
فجأة بيدبل على إيد إنسان (إنسان)
جربت يخونك ويسيبك في السكة حزين
مش طايق حتى يحس بجرحك (بجرحك)
جربت عيونك تناديله تستنجد بيه
ولقيته على دمعك واقف يضحك (أيوة بيضحك)
ولقيته على دمعك واقف يضحك

[المقطع الثاني]
حنيت لمكان كان دايمًا يجمع بينكوا يجمع بينكوا
ولقيته بيخونك فيه
جربت تواجه واحد بخيانته بخيانته
هزمك جبروت في عينيه
كان نفسك تصرخ في العالم
مالقيتش في قلبك صوت
ضحيت بحياتك والظالم
بيجرب فيك الموت
كان نفسك تصرخ في العالم
مالقيتش في قلبك صوت
ضحيت بحياتك والظالم
بيجرب فيك الموت
جربت تموت