[المقطع الأول]
لو أقولك في واحدة معاك
رهن إشارتك مستنياك
تقولها ع اللي بيك
تلاقي روحها في إيديك
تبقى الوحيد اللي خد قلبها
لو أقولك عشان حبها
ما يهمهاش الناس كلها
بتحبك إنت بضمير
مع إن غيرك كتير
يتمنوا نظرة يادوب منها

[اللازمة]
مين بقى اللي أنا عنها حكيت؟
ما تقولي يلا ياريت
ده أنا أموت أنا
ناقص أقولك أنا
مين بقى اللي أنا عنها حكيت؟
ما تقولي يلا ياريت
ده أنا أموت أنا
ناقص أقولك أنا

[المقطع الثاني]
لو أقولك لاموها عليك
وبرضه ليه معاك عايشة ليك
مش راضي تفهمني ليه؟
أقولك أنا تاني إيه؟
يعني أسيبك عشان ألاقيك؟
لو أقولك ما بتدوقش نوم
تتمنى فيك ليها يوم بعد يوم
في حد يرضى بكده؟
يحبك الحب ده
وإنت ولا حاجة بانت عليك
[اللازمة]
مين بقى اللي أنا عنها حكيت؟
ما تقولي يلا ياريت
ده أنا أموت أنا
ناقص أقولك أنا
مين بقى اللي أنا عنها حكيت؟
ما تقولي يلا ياريت
ده أنا أموت أنا
ناقص أقولك أنا