[المقطع الاول ]
بين ليبارو تاع الكودبار لقباحة صح ماشي كونسابت
نحبس الجمعة نروبروني بالسبت المايك فالحيط برونشي كون صبت
Conscient درنا الكومبا بلا مالبسناه لالا جامي حبسناه
هو ما حس بينا واحنا ماحاسبناه الحقد ليوم كبر و ربا السنان
هذا زمان و انا فالكوتي داير الحرب باش ندير la paix
لي سمع لاراج هذا صوتي برك جيل سواج ليوم يديرابي
ميليو يعييني انا كرهتو يهدر على الطريق وهي ناكراتو
لي نسى ليوم اني فكرتو بكارت ارتيست و فالزنقة بلا كوارطو
تيتر فالسمانة سماه كلاسيك واش من catégorie نكلاسيك
لي ما يقدرش على الطريق يطلع للرصيف ماتفورصيش إذا الراب خاطيك
حياتنا مرة عاودها ميات لمرة كبرنا بالراب تربينا برا
ارفد بالراس و منهم اتبرا شحال صبرنا كليك ؟؟؟

[اللازمة ]
عندك الباز عندك ليكليك الراب باب عندي لي كلي
كلامي بوزل من بكري النيف تباع لالا مكري
الراب ضعيف دوبيه ستيلو بازيك ستوبيه
راك خاسر فازي قولي انا رابح à la Basile Boli

[المقطع الثاني ]
كاتب حياتي بين كل سطر نرابي للحومة مانسحق نكون سطار
من وقت لكارتابل جامي كنت ستابل وعلاش نستر نلعب كارت سور تابل
F chaque mesure coup d'état بلاد بيزار على بالتازارد
F chaque mesure contre l'état مابديتش زهر مابديتش par hasard
صوفاج ماكريتش سولفاج ساتوري مانشفاش مانفهمش
لانسترو غرقها فالفلو مانشفهاش سلعة حرة غير العنف مانشفاش
كاتب بقلام لي رفدوهم قلال ماشي تقلاش ولا عقلية كلاش
48 ماشي غير 16 ماتعمرش القفة باالراب دير ستاج
الفرق كل يوم يزيد راب بازيك نسمعو نعيفو
Les MC's يفكرو فبن بوزيد كل عام يقولو نطلعو النيفو
راب ليفري راك فاهمو فو كان جا بنادم نسال فيه الفم
ناس براسها قاست الفون كي انت تصور سيلفي بايفون
[اللازمة ]

عندك الباز عندك ليكليك الراب باب عندي لي كلي
كلامي بوزل من بكري النيف تباع لالا مكري
الراب ضعيف دوبيه ستيلو بازيك ستوبيه
راك خاسر فازي قولي انا رابح à la Basile Boli