[Testo di "Salario Garantito"]

[Strofa 1: Papa J & 'O Zulù]
Scinn' ambress' mamma mia ce stà a manifestazione
'O burdell' a polizia 'o votta votta 'o curdone
A fà o burdell' mmiez' à via é lott' l'occupazione
Te fai nà marenna e via l'università à riunione
Se fa sera i manifest' ò sicchìo à colla e vai a azzeccà
Se fà mezzanott' cull'amic' vai a svarià
Tuorn' é quatt' a' matina a casa tua e te vai a cuccà
Te fai tre, quatt'ore é suonn te vene a scetà mammà
Si na vota na matina te voi me meter' a studià
Ì me facc' ò mazz' tant' tutt'i juorn' a faticà

[Ritornello: 'O Zulù & Papa J]
Nu penziero, n'ossessione, ma coccosa s'ha dda fá
Te dic' basta basta basta nun poss' cchiù stà
Ncopp' ò 740 ì mammà e papà
Ricattat' ossessionat' mantenut' parassit'
Ma 'sta storia adda fernì vogl'ò salario garantit'
'O salario garantit', vogl'ò salario garantit'

[Strofa 2: 'O Zulù e Papa J]
Cù na scusa bona a vocia ross' e doje promess'
Gir' e vot sott'en'copp' mammà t'agg'fatt' fess'
Ma ò problema over' stà rint' a stà coscienza cà
Tagg'fatt' fess' mà tu scinn' e po' vai a faticà
Ò lavor' salariat' sotto ò padron'
À fatica umiliazion' pé m'arregner' ò panzon'
E me sent' nà latrina comm' cazz' se po' ffà
Avessa fà ambress' mavess' laureà
Ma l'università già è bella nun se po' supportà
Figurammoce se senza se potè fermà
E nun me piace stà società me fà schif' é faticà
No nun voglio faticà sul' pe me fà sfruttà
E nun voglio sturià sulament' pé sfunnà
Me fà schif' l'arrivism' sprezz' ò rampantism'
Song' doje aspett' te ric' rò capitalism'
A me me piac' é sturià pe capì é cose comm' stann'
Sent' ò bisogn'é luttà contr'à stù stat' che è tirann'
Nun me ne passa po' cazz' si me laureo int' a 10 ann'
Ma mentre stong' cà cantann' e abballann'
A casa mia mammà pe mmé sta faticann'
[Ritornello: 'O Zulù & Papa J]
Nu penziero, n'ossessione, ma coccosa s'ha dda fá
Te dic' basta basta basta nun poss' cchiù stà
Ncopp' ò 740 ì mammà e papà
Ricattat' ossessionat' mantenut' parassit'
Ma 'sta storia adda fernì vogl'ò salario garantit'
'O salario garantit', vogl'ò salario garantit'

[Strofa 3: Papa J & 'O Zulù]
Rà giamaica rà giamaica macka B. ce l'ha già ritt'
Pe tutt' e' mamm' massimo rispett'
Massimo rispetto pe chi te mantene
Sopratutt' si ò ffà pecché te vò bene
Però massimo rispetto pur' pe chi lotta
Pe ' chi all'arrivissi te ric'over' se ne fott'
Pé chi nun tene fretta sta tranquill' e vò sturià
Senza ì se ne fottere rà produttività
E allora mamma e figl' e nà maniera anna campà
Senza incomprensioni turciglium' e mal' 'e cap'
Ò salario garantito e ò burdell' è eliminat'
Mammà po' lassà ò lavor' salariat'
Può sturià cchiù tranquill' e nun sì cchiù ricattat'
Foss' bell' però ancora nun è stato realizzat'
Pecché stù guern' chin' e mmerda e inchiavecat'
Serv' rò capital' servo della nato
Nun se ne passa po' cazz' rò proletariat'
E chi nun produce i chi è sfruttat'
E allora organizzammic' e avviamm' a lottà
[Ritornello: 'O Zulù & Papa J]
Perché basta basta basta nun poss' cchiù stà
Ncopp' ò 740 ì mammà e papà
Ricattat' ossessionat' mantenut' parassit'
Ma 'sta storia adda fernì vogl'ò salario garantit'
'O salario garantit', vogl'ò salario garantit'