[المقدمة]
فيجو الدخلاوي

[اللازمة: مودي أمين]
جفت دموعي وقلبي ضاع مني
ما بقتش أحس وده شيء مجنني
لو يوم فرحت همومي توحشني
تاجر إكتئاب، ولا عشت يوم سني
رسالة مني لناس كتير مني
أنا ليه حاببكم وإنتو كارهني؟
مستنيين تشوفوني وأنا واقع
قد الجميع والمولى هيعني

[المقطع الأول: حمو بيكا]
يا اللي نفسكم تروح عليا
زي ما أنا، لسه مية مية
موتوا، غيروا، كله جنبي زيرو
مش فاضيلكو، إيه شاغلكو بيا؟
خلق أعوذ بالله من قلوبكو
مش عاجبكو بس أنا تاعبكو
مش بخاف، كله بعينه شاف
أيوة أنا التقيل اللي راعبكو

[اللازمة: مودي أمين]
مضروب بشرب المر من صغري
عيبي الوحيد إني مشيت دغري
كاره الحياة من ناس بتتلون
وما فيش في عيني أي شيء مغري
دايمًا وحيد، ما بحبش اللمة
كوكب أونطة وبياعين ذمة
وشي البشوش ده وراه جبل أحزان
تايه، بموت، وتعبت أوي ياما
[المقطع الثاني: حمو بيكا]
يلا يلا برة، كله بوش
لما بحضر إنتو ما تبانوش
أنا بطولي، صعب توصلولي
لو عملتوا وحوش ما تزعلوش
اللي عدى لوحده أي صعب
سهل يخلي الحاقدين في رعب
حب الناس يا ناس أسلوب حياتي
بفضل ربي في ضهري مني شعب

[اللازمة: مودي أمين]
طلب الصداقة عملتوله إلغاء
كل الرسايل يابا دايرة نفاق
ممكن عشان الصيت وكام كومنت
يلغوا المبادئ، يمنعوا الأخلاق
هو إنتو عادي بجد تتهانوا
علشان تشوفوا الشهرة وتبانوا
للدرجة ديا خلاص ما فيش مبدأ
كل اللي عنده صاحب جدع خانه

[المقطع الثالث: حمو بيكا]
بالسلامة للي كان معايا
بس كان معايا عشان معايا
‫ياه عليك يا صاحبي، ده إنت Fake
أخوك أدارجي فاهم الحكاية
إوعى تعمل إنك إنت أخويا
إنت ضحكتك مدهون بويا
أمي حب عمري، نور عينيا
أجدع حد في الحياة أبويا
[اللازمة: مودي أمين]
سلطان زماني ومش بهيب واحد
على أي حد أخوك بيتجاحد
ما يهمنيش الناس ولا كلامهم
من إمتى كان يشغلني فيكو واحد؟
كاسر عيوني اللي يجيبه عقله
لو جابه عقله الموت هيشتاقله
طيب وشيك وكفاءة ألعب بيه
بزرزر اللي شيطانه هيأله

[المقطع الرابع: حمو بيكا]
أي مُزة حلوة فوق دماغي
بس صدقوني مش بلاغي
أصل نور عينيا ساكنة فيا
أي حد غيرها ببقى لاغي
إنتي جيتي ليا كفيتيني
قلت معاكي أكمل نص ديني
حتة مني، إنتي عين ونني
وإنتي جنب مني بتوحشيني
وإنتي جنب مني بتوحشيني