[المقدمة]
دي چي خالد لولو ريمكس

[اللازمة]
طلع نهار أحلى صباح
من الليلة أنا هنسى اللي راح
هتحول هقلب سفاح
وأنزل أدبح
ضارب طلقتي من الكباس
أصلي مخصم كل الناس
ولا ليا سند ولا عكاز
ماشي متسوح

[المقطع الأول]
مليون سلام ومية مسا
على أشكالكو المحدثة
أبواب عليكو متربسة
هخصمكو
إنتم هلاهيل، هتروحوا فين؟
خرفان جريتكو بطلقتين
أنا عند بيوتكو عامل كمين
جاي أزاولكو

[اللازمة]
كزلكي بيشق أي وش
أيها أخصام تخاف تكش
ولا باجي بسوري ولا معلش
إسمع مني
أيوة عالي عليكو أنا
وإنتو يالا خفوا النفسنة
طب تعرفوا إن الجدعنة
مكتوبة على إسمي
[المقطع الثاني]
الشر بيسحر القلوب
والنفس بتعشق الذنوب
وماسكني شيطان ومش بتوب
إزاي كده؟
إحساسي مش لاقيه وتاه
بتمنى أفارق الحياة
من جوايا بصرخ ألف آه
نفسي متعودة

[اللازمة]
زاد الوجع، أنا حزين
مخدوع في اللي كانوا سالكين
أندال وطلعوا غدارين
أنا موجوع
هفرك على زعلي نص كيس
كوبايتي أنا هملاها دبابيس
دلوقتي بقيت أنا الرئيس
وإنت الجربوع

[المقطع الثالث]
الحب بح، مني طار
من كتر جراحي قلبي إنهار
إمشي، أنا مش هقبل أعذار
خلصت خلاص
قولولي ناسي حبي ليه؟
مع إني قلبي كان شاريه
للأسف ما طمرش فيه
ليه ما فيش إخلاص؟
[اللازمة]
عين شمس تحارب التتار
ضاربين في حروبنا ياض بنار
أسامينا يا زمالة من الكبار
ولا بنهيب عدد
بالآلي جاي فيكو أرش
إوعاك تجلي، يلا خش
كزلكه علم مليون وش
بودي بيه الأسد

[المقطع الرابع]
طب قولي يا عقلي أعمل إيه؟
ده أنا قلبي الفرح ما بيجيه
ده أنا موتي كله ساهم فيه
كإني شيطان
تعبان جدًا من السكوت
كاتم جوايا ألف صوت
كل دقيقة بتمنى الموت
أنا قرفان

[اللازمة]
أنا خدي مليان بالدموع
أفرح يوم وأزعل أسبوع
الإحساس مني مقطوع
أنا مش قادر
وفي بحر الموت أنا بعوم
مكتوبلي الهم كل يوم
ويا الجراح ويا الهموم
قاعد أعافر
[المقطع الخامس]
للدنيا أنا هدي أنا الطناش
هبيع العمر وببلاش
واللي راح قدرته ما جاش
قررت أنساه
ويا فرح تعالى زورني مرة
ده أنا عيشتي والله يابا مرة
ده أنا عقلي بقى خارج القارة
وقلبي تاه

[اللازمة]
كل المخاليق بقت تخيب
ما بيعرفوش إلا العيب
عايزين فلوس تملا الجيب
بيها يتدلعوا
عايز الصحاب تملا المكان
إفركلك يابا كام چوان
أصلهم من أجل الدخان
بيتجمعوا

[المقطع السادس]
الخصم لابسله بدلة شيك
قبللي يا عم العريك
دي الأرض هتتزلزل بيك
يا اللي تزاولني
اللي خصمته ضربة مات
قدامي تلزموا السكات
أنا حقي يابا عمره ما بات
إسمع مني

[اللازمة]
شارب من همي أنا كاسين
على اللي ضاع من السنين
مخنوق جدًا، بقيت حزين
مش قادر أتكلم
أنا نبض قلبي بقى يزيد
زعلان جدًا ومش سعيد
الموت يناديني من بعيد
أنا بتألم

[الخاتمة]
عين شمس يا أسطى دول أسود
عاملين للخصم خط موت
اللي يزاوله دخل تابوت
بودي بيه الفارس
والمسا مبعوتله بقناصة
محمود حمدي ده الرياسة
في السما نضربله مية رصاصة
ده عليكو تارس
كل الأخصام مننا جلوا
عمار زكي ما حدش حمله
وكرم حسني إوعى تزاوله
إحذر ننهيك
أحمد بكري في بلده الريس
بالجدعنة عاش قلبه كويس
عين شمس دي ليكم بتدرس
ويا مرحب بيك
ماشيين وبدون أي رقابة
ضارب أخصامه بدبابة
ده محمد دوكو هو البابا
أخويا ع الموت
صاصا كروانك يا زمان
صوته بصمة وفي كل مكان
وخالد لولو الإدمان
علم التوزيع
إدارتنا يا أسطى عليكو عالي
أبو طه توينزي ده الغالي
مننا تسمعوا أحلى أغاني
وأحسن مواضيع
دي چي خالد لولو ريمكس