[المقدمة]
شفت اللي حصل يا زمالة
مزاريب عملوم رجالة
إديتهم عالي حسوني مفتري
خلعوم بطريقة زبالة
ضحكتها يا لهوي ربابة
بعشقها أما تقول بابا، بابا، بابا، بابا
كيمو الديب

[اللازمة]
تعبان مش عارف مالي
ودماغي منكم وجعاني
بخلص مع ناس طلعوا في الأساس
أكتر ناس كانت أذياني
ولا مرة أنا كنت حاسبها
عمري ما كنت بحزبها
لأ بس تمام يا قرون خرفان
بفتكو أنا هشبشبها

[المقطع الأول]
طب سقفة معانا يا إخوانا
على روح كل واحد خانا
هنقولوله باي باي أصلك مش جاي
ألف سلامة، هتوحشنا
الهلس عملتله قيمة
على صيتي بقى نجم السيما
جه يعيشها عليا عطيته مرازية
أصل الدخلات دي قديمة
[اللازمة]
بند الصحوبية مكحكح
أجدعكو في نظري مكسح
هعمل إضراب بإسم الأصحاب
مع نفسي هروح وأتفسح
ع الإستوريهات والحالة
شفت المزاريب رجالة
ملعون الفيس، خلى عيال سيس
تتكلم ع السندلة

[المقطع الثاني]
صاحبي الأنتيم غفلني
في غيابي كان بيبهدلني
قدامي ده حبيبي وأخويا وزميلي
منه ده والله زعلني
بقى كل ده يطلع منك
يا زميلي ما ترد بقولك
طب أقل أنا بيك، علقية وأديك
ولا أخلص منك أرنك

[اللازمة]
الدنيا عليا دي حالفة
على حظي أنا دايمًا واقفة
معمولي عمل، مش لاقي أمل
أنا جرحي ده مالهوش وصفة
الفرح عليا منكد
والحزن ده فيا متبت
ونسيت ضحكتي، بصوا مخدتي
مليانة دموع، متشتت
[المقطع الثالث]
شفت اللي حصل يا زمالة
مزاريب عملوم رجالة
إديتهم عالي حسوني مفتري
خلعوم بطريقة زبالة
هلاهيل عويلة من يومهم
بطريقتي أنا بفوقهم
إسلوبي معروف، هضرب مولوتوف
قرفان أنا من أشكالهم

[اللازمة]
يا بنات ليه شادين حيلكم
إتنيلوا على خيبتكم
مهما هتلبسوا أو تتمحلسوا
خدت الهانم بتاعتكم
ضحكتها يا لهوي ربابة
بعشقها أما تقول بابا
عكرتوا مزاجها جيهتكو أقلبها
وكله يدفع غرامة

[المقطع الرابع]
خدي أبت تعالي هقولك
فكك من إني بحبك
أنا نازل لابس أجيبلك خاتم
فهمي أبوكي وأمك
أصلك راح تبقي مراتي
والحاجة هتبقى حماتي
ونجيبه بنوتة شبهك بطوطة
وولد شقي زي حالاتي
[اللازمة]
كان عندي زميل بيقدر
نسوانه خليته يبقى أهطل
وعايزني أماشيه، لا بجد إخيه
شكلك يا عبيط بتهزر
إسمع ركز يا حيلتها
إنت لإمتى هتبقى خيبتها
ضيعت فلوسك ليه على حريم
أصلاً ضايعة في صحتها

[المقطع الخامس]
كلمة بقولها لأخصامي
لأ ما بعتمدش أسامي
أنا ياض تلفان، أصلاً فقدان
فكك من شكلي الهادي
عادي لو هتقلوا أدابكو
أصل التلقيح ده آخركو
إسمي يا جدعان جابلكو جنان
خدوا كيتوفان هيسكنكو

[الخاتمة]
عصام صاصا الكروان يا إبني
كيمو الديب توزيعته الأصلي
والكلام من حودة الجوكر
إصحاله ياض، هو الكتبنجي
أبو حبيشة كله أخلاق
شرف أرض الوراق
ويا رب لا تبعد عنا عيون
ناس كل حياتها نفاق
ويا رب يفك الضيقة
يطلعلي بأي طريقة
حمو الشناوي في يوم خروجه
الدنيا تولع حريقة
وهيما الشناوي مسيطر
ع اللي منه ده ما بيتغير
لو تيجي بالقلة لعمرو شلة
قدام منه هتتسنتر
مسا ع المجدع شيبوب
برجولته أزميلي محبوب
أرض الطالبية فيصل
دي مطلعة ناس كلها أسود