[المقدمة]
‏‫No love، قتلت الحب
خاينة وكل كلامك كدب
قلبي ما خانكيش، ما تلومينيش
إوعي تكوني ناسياني
أنا مش ناسيكي، بفكر فيكي

[اللازمة]
قلبي في خطر، همسك قطر
وأقطعلي يابا شريان
أصل الصحاب بقلوب هباب
خلاص بقيت تعبان
نفسي أروق، أنا مخنوق
من الدنيا أنا زهقان
مش مبسوط، بضحك بموت
أنا مكتئب، زعلان
كيمو الديب

[المقطع الأول]
وسع سكة، إركن على جنب
نازل أدور فيكو الضرب
ما هي مش جاية معاكو بحب
يببقى تشوفوا الوش التاني
كن في بيتك، شد لحاف
أصلك طري، قلبك بيخاف
إرجع ورا لأديك كشاف
تاخد علقة ومش هتنساني
تاخد علقة ومش هتنساني
ع الأخصام نعمل إحتلال
كنف في جنبك قرن غزال
ما يهزكش عويل وشمال
ما تحلش على حقك، جيبه
الأخصام بتهيب حضرتي
وبترعبهم أوي طلقتي
تغلط أخلص فيك خزنتي
لما أتضايق يبقى تهيبوا
هخاف من إيه؟ ما الموت نصيبي
هنا إتحاد مصراوي مع ليبي
أحمد أبو غابة أخويا وحبيبي
مش بيهيب من أيها حد
عمر الريح ما يهز جبال
محمد الليبي الچنرال
إصحى لبني غازي الأبطال
إحنا وسط النار بنسد
[اللازمة]
شغل كاسيت، يلا إنبسط
والسهرة للصبحية
عاشق السهر وقت المطر
ما بحبش أزعل ثانية
العيشة صعبة، بس أنا أصعب
وضربتي قوية
كارف الغدار والليل نهار
وكرامتي عندي غالية
وكرامتي عندي غالية

[المقطع الثاني]
‏‫No love، قتلت الحب
خاينة وكل كلامك كدب
إبعد عني عينيها يا رب
عشان عيونها دي مش سايباني
أنا إفتكرت إنك أنتيمتي
طلعتي أرخص من جزمتي
إوعاكي ترجعي تاني ناحيتي
أنا مش عايز أعرفك تاني
زمن غريب والطيبة تظلمك
لو خفت من الناس تعدمك
صاحبك وأخوك مرشد سلمك
علشان كام قرشين أغروه
فإوعاك تدي لحد أمان
فوق بقى، خليك فهمان
ريق الرجولة ناشف عطشان
والجرح بوست الناس نشروه
إوعاك تعمل عنتر جبنة
نعجب كتير، ولا حد عاجبنا
واللي في جيبنا كإنه لغيرنا
ما بيفرقش معانا الفلوس
تزعل لو تيجي تزعلني
أنا مطروش، إوعى تعصبني
فمالوش داعي، أنا مخي تاعبني
في الحكايات بقلب ملبوس
[اللازمة]
دول ناس أبالسة وضحكة غلسة
الشر مالي قلوبكم
والبفرة شفرة تجمع عشرة
إزاي هآمنلكم؟
غاب اللي غاب، ما فيش أحباب
مش هرجع أشتاقلكم
عيال ملاعين ومنفسنين
ما فيش إخلاص عندهم
ما فيش إخلاص عندهم

[المقطع الثالث]
ده الحب مصالح شخصية
زي الفركة، زي الميدالية
نص الصحاب صبحت مناخوليا
جايين يرسموا دور البطولة
تطلع مين يا اللي معرضها؟
وعلى عمامك بتكبرها
عم الفخم، إوعى تأڤورها
أصل أنا عارف إنك هلهولة
ورقة جراءتك محتاجة فيش
قدامي فوق، ما تطنشليش
شكلك شاربلك چوب حشيش
جسمك نمل من الفركاية
أيوة أنا باين شكلي كيوت
لكن من جوايا جبروت
تنفخ صدرك هنا هتموت
ما تقلش بالأصل معايا
ده أي خوف مني أنا ممنوع
قدامي تخشوا تقولوا رجوع
أنا الزعامة وإنت الجربوع
مش باكل يالا من التكريت
ضحكتي عندي بكل الدنيا
ولا حد يقدر يجي عليا
أنا سكران وعيوني معمية
إتأقلمت إني أبقى وحيد
[اللازمة]
قلبك جميل، شعرك طويل
وجمالك رباني
بلاش تبعدي، ما تقربي
في غيابك أنا بعاني
قلبي ما خانكيش، ما تلومينيش
إوعي تكوني ناسياني
أنا مش ناسيكي، بفكر فيكي
يا اللي إنتي بايعاني

[الخاتمة]
بإسم شهيد شارع عشرين
جوة قلوبنا ومش ناسيين
عز الواوا عريس الجنة
بتدعيله كل الملايين
بني غازي دي أرض الرجالة
مش بنخاف على أي حالة
إصحى، الحدايق دول وحوش
والمريوطية أسلحة شغالة
هو الأصل، أما إنتو كسر
أحمد أبو غابة هليكوبتر مصر
ثابتين وجودنا في وسط الناس
صيتنا مسمع في أي أرض
محمد الليبي العسلية
متربي أزمالة ع الرجولية
كل صحابه دول بيحبوه
راجل مسيطر، قد الدنيا
ع الجدعان بس أرمي سلامي
سندال بلده فرج العميمي
واللي مشرف نفسه بنفسه
الكينج شريف العميمي
نادر العميمي الناس بتحبه
ده ما فيش قلب أطيب من قلبه
والبوب علي وزة العميمي
راجل صح وصاحب صاحبه
سوق ڤينيسيا تجارة العملة
إحنا العالي، أما إنتم قلة
إصحى لمنطقة الهواري
صيتها مسمع برة وجوة
وعصام صاصا السلطان
الأفكار من مخ شيطان
والغنا جاي من الكروان
ده عصام صاصا يعني الفنان
وعبده روقة كلامه جنان
كيمو الديب عمل البوليكا
درامزات توزيع فابريكا
وإحنا يا صاحبي بنرمي المسا
على أحلى إدارة، ياسر أبو چيكا