[المقدمة: أحمد حمودي وعصام صاصا]
أنا صاحبي ده كنز
ده ضلي وأخويا وأحلى توينز
ودايمًا لابسين نفس اللبس
وبلون واحد
لالالالالا
لالالالالالالالا
لالالالالالالا
لالالالا
ياو، أمجد الچوكر

[المقطع الأول: أحمد حمودي]
جيهة الباشوات
عايشينها دراع واحد وإخوات
إحنا الأبطال من غير حوارات
صيتنا مسمع
مش كترة ولمة
تلات أبطال أنيابهم سمة
وحوش الأرض، إحذر وإتغمى
لما بنتجمع

[المقطع الثاني: عصام صاصا]
طب بس ثواني
كلاكيت أكشن تاني يا زماني
اللي هيتحداني هيعاني
هديه بسحابة
وأنا كتر خيري
ضايع عمري لأجل زميلي
لكن ما فيش ولا حد صافيلي
إحنا جوة غابة
[المقطع الثالث: أحمد حمودي]
جاورن يا زمالة
إحذر، عندنا أسلحة قتالة
وإنتو مضيتلكو أمر إزالة
أنا شخص مخيف
إهرب يا مريح
أنا هعتبره حشيش متسيح
إنت مزرنخ يالا ومقيح
محتاج تنضيف

[المقطع الرابع: عصام صاصا]
إحنا الأسدين
وإنت ألا مش عارفينك مين
ماسيح تاريخ كل الناصحين
هديكو بالقطر
طب أسمع سقفة
يا أسطى الدنيا عليكو مش واقفة
إنتو عيال غدارة وكارفة
بس أنا خطر

[المقطع الخامس: أحمد حمودي]
أنا صاحبي ده كنز
ده ضلي وأخويا وأحلى توينز
ودايمًا لابسين نفس اللبس
وبلون واحد
بيحب برودي
لو زعلان بيغير مودي
دايمًا حافظ كل ردودي
شقي حبيبي
[المقطع السادس: عصام صاصا]
يالا هنا تتمرجح
ما إنت في قلبي كتير بتجرح
على بيتكم بالطرحة تروح
يا حيلة أمك
هسحبلك خدك
خرست يالا، مش سامع ردك
أنا علمت عليك وفي أرضك
هيسيح دمك

[المقطع السابع: أحمد حمودي]
مالناش أعداء
حاطين قوانين، للقوة بقاء
جاهزين، حاضرين، شادين أجزاء
وبنضرب ملو
أخصامنا عويلة
أنا نفسي في خصم أنفاسه طويلة
كلها هربت يالا، بلا نيلة
ما أنا يا أسطى عو

[المقطع الثامن: عصام صاصا]
مساء الزنجفة
أنا صارف، دماغي مكلفة
للأخصام عامل مغرفة
إحذروا مني
ديتكم إيه؟
سن سلاحي تقعدوا عليه
هلس ومش معترف بيه
هتشوف سني
[المقطع التاسع: أحمد حمودي]
ضربتي غشيمة
لأ إحذر مني، أنا وحش السينما
لما بغيب بقلبها جريمة
بعمل زعابيب
إنت ألا مش شق
وغور، بلا نيلة وشغل ترق
خاف على نفسك لا هتدق
أنا رعب مريب