[المقدمة: عصام صاصا وكيمو الديب]
أول مقابلة لينا من بعد الفراق
بان الوجع في عيوننا، بان الإشتياق
كان لسه جوانا حب مش كره وغباء
البعد كان بإيدينا، كان بالإتفاق
كيمو الديب

[اللازمة: عصام صاصا]
إحكي يا نفسي وقولي وأنا هحس بيا
عارف اللي فيكي واللي فيا ما هوش شوية
بس لغيرنا يا نفسي لأ ما تشتكيش
ويا عيني لا ما تعيطيش بقى غير عليا

[المقطع الأول: كيمو الديب]
أنا والدموع وما فيش طلوع
محبوس هنا، رافض الرجوع
إنسان كئيب، مشهد مريب
أحزان كتير، قسمة ونصيب
هذا أنا، مسجون هنا
خلف الدموع والعكننة
والحزن صول عدى الأصول
وما فيش أيادي حنينة

[اللازمة عصام صاصا وكيمو الديب]
خايف وخوفي غلبني، خلاني أنطوي
ببعد ولسه الخوف عايزني أبعد أوي
قلبي إتهلك، قلبي بجد بينكوي
جوايا نار فعلاً بجد، أنا مستوي
ساكت عشان عندي الكلام ما بينتهيش
بس اللي حاسه بجد منكو ما يتحكيش
ليه بقوي ناس وهما نفسهم أتكسر؟
ليه بحب ناس وهما مش حابيني أعيش؟
[المقطع الثاني: كيمو الديب]
بالإختلاف، مين فينا شاف
واحد معاه غير بالهتاف
متصورين المجرمين
إن أنا هنسى، بس لا
فاكر أكيد وبقيت مريض
دي قلوبكو صلبة عن الحديد
متخان وهان دمعي كمان
ناقصين رجولة، إيه الجديد؟

[اللازمة: عصام صاصا وكيمو الديب]
خارج نطاق الوعي والسيستم وقع
أبديت جديد ما فهوش بشر أو مجتمع
ما بقتش أخاف على حد، ما بقتش أندفع
نصايحكو ليا لا يمكن إنها تتسمع
باين في عينك حب ليا مخبياه
ليه سيبنا نفسنا للنصيب أو للحياة؟
إخترتي غيري حد تاني يكون معاكي
وإخترت غيرك حد تاني أكون معاه

[المقطع الثالث: كيمو الديب]
آه بتوحشيني، طب كلميني
لو حتى كلمة بيها طمنيني
قولي عاملة إيه؟ وبعدنا ليه؟
وبلاش لتفكيري تسيبيني
فاكرة الوعود؟ فاكرة الورود؟
دلوقتي بقى بينا حدود
وما فيش كلام، حتى السلام
موضوعنا متشفر بكود
[اللازمة: عصام صاصا وكيمو الديب]
أول مقابلة لينا من بعد الفراق
بان الوجع في عيوننا، بان الإشتياق
كان لسه جوانا حب مش كره وغباء
البعد كان بإيدينا، كان بالإتفاق
بقى كل واحد يحكي للتاني الحكاية
ما أنا مش معاها وهي برضه مش معايا
وحكيتلها إن أنا لسه بحبها
وإن بعادها عني ده سبب أذايا