[المقدمة]
‫(حصريًا على قناة Original Music)
(برنس مصر مستر علاء)
بعديك يابا بقيت مكسور
إبنك مبقاش يشوف النور
على قبرك
عمال بنادي محتاجلك
القرايب قالولي مش فارفة
والحبايب تمنها كام ورقة
شخص غايب دخل في حالة طارئة
عنوان الإنعاش
(كيمو الديب)

[عصام صاصا]
على وشي بدأ يبان الضرب
أنا حوت في الشرب داخل حرب
أنا مالي
معرفش إيه اللي جرالي
عيني بتفتح على الچوبات
أنا ليل ونهار بصب كاسات
مش قادر
هموت بجد يا ساتر

[أمين خطاب]
مين وفين، إزاي أنا وإمتى
سكتين وأنا ماشي في التالتة
في المرايا إنت ومش إنت
مش عارفني أنا مين
إبتسامتي خلعت بطريقتها
مش لاقيها، معرفش سكتها
من ساعتها دي ماجتش ونسيتها
ليه سابتني حزين
[عصام صاصا]
نبضاتي سريعة، ليه بتزيد
ومافيش في حياتي أي جديد
أنا ميت
وبقيت في تربة مبيت
شريان القلب بقى مقطوع
أنا متغسل ببحر دموع
مكفن
ده أنا جثتي هتعفن

[أمين خطاب]
مش تمام لكن بقول رايق
الكلام على وشي مش لايق
ده أنا طول الوقت مضايق
أيوة كلي هموم
لو ضحكت ده بس من غلبي
مش بإيدي والله مش ذنبي
غصب عني متقطع أنا قلبي
مش بدوق النوم

[عصام صاصا]
ضربوني في ضهري بالجرينوف
وبلف لاقيت في وشي ظروف
صفوني
ولا رحموا دمع عيوني
لمحوني برن ع الإسعاف
على عيني ونزلوا بالكشاف
وإدوني
وفي ظرف ثانية عموني
[أمين خطاب]
الخيانة على وش ناس مني
ناس جعانة وبعضمي واكلني
بالأمانة في حياتي خنقيني
دول جابوني الأرض
مسرحية أبطالها كانوا كفرة
غدروا بيا بوشوشهم الصفرا
في الأذية حفرولي مية حفرة
وإنتهوا من العرض

[عصام صاصا]
بعديك يابا بقيت مكسور
إبنك مبقاش يشوف النور
على قبرك
عمال بنادي محتاجلك
من يوم موتك وأنا إتيتمت
أنا شفت المُر وإتألمت
إسمعلي
يا أبويا رد إطلعلي

[أمين خطاب]
القرايب قالولي مش فارفة
والحبايب تمنها كام ورقة
شخص غايب دخل في حالة طارئة
عنوان الإنعاش
اللي مني مستنيين فرصة
ربي عيني ده بيلعبوها خرسة
بعدوا عني، ماهي وقعت الفرصة
آه من الأوباش
[عصام صاصا]
هلافيت ع الميديا بقوا وكارفين
بقى كله عامل بطل يا أمين
قراصنة
صبحت بتجري أحصنة

[أمين خطار]
فكك ده ما يتشافوش يا عصام
ده ما يستهلوش يكونوا أخصام
دول خابوا
بس الغلط بحسابه