[المقدمة]
أنا هقسمني على شخصين
هاخدني في بار أنا ساعتين
همسي عليا أنا بكاسين
وأفضفض ويايا شوية
كيمو الديب

[اللازمة]
أنا بعشقني أوي يابا
أنا في غابة بسحابة
شايف أندال بتتغابا
ومش شايف واحد مظبوط
لقيتني جدع مع صحابي
وفي غيابي جابوا إيجابي
قالوا في ضهري ده إرهابي
يا دنيا منهم أنا مكبوت

[المقطع الأول]
بقيت بتحط في مشاكل
بحبني موت عشان راجل
لو أجيب ورا يوم هتاكل
بثور لا الخلق تظلمني
لو إحتاجت في يوم رزمة
ما فيش غيري شالني في الأزمة
صحابي محتاجة مية جزمة
علشان ولا حد فيكو شالني
[اللازمة]
تعبان أنا، مين قدرني؟
ليه يخسرني اللي دمرني؟
ما فيش غيري جالي وزارني
‫وقلتلي "ألف سلامة"
بحب السلفي علشاني
ما أشوفش أناني يا زماني
في صورتي لقوني وحداني
‫قالوا "لوحدك ليه يا زعامة؟"

[المقطع الثاني]
عشان بخرج أنا لوحدي
وعشت حياتي دي براحتي
وإنتي يا صحبة بتتجاحدي
وبتعيشي عليا الدور
ده أنا بحكيلكو أفكاري
بتفتكروها أسراري
بتروحوا تحكوا ليه لجاري؟
ده أنا أخاف أقول سري لمغرور

[اللازمة]
ما بعرفش حريم زايطة
وبنات بايتة مع بكايتة
وفي الأصل عيال أيطة
بس فلوسهم زقاهم
ده صاحبي كان ماشي ورايا
لقى عباية فيها نتاية
ده راحلها، قل معايا
دي صحبة الحرمة حكماهم
[المقطع الثالث]
هروح أركب أنا موتوسجن
ده معنى الإسم حبسة يا عجن
ده غير كده وكده يبقى الركن
زهايمر هو ده المطلوب
جايب نجار ناصبلي تابوت
راكب دايو بعدة صوت
مشغل مهرجان الموت
ما فيش منه يا صاحبي هروب

[اللازمة]
أنا بقيت مريض نفسي
ضارب جسمي وناسي إسمي
بقيت مجنون خالص رسمي
ومش عارف يا صاحبي أفوق
بقيت مدمن دوا كحة
ما فيش صحة، خلاص شحة
هاخدني وأروح على مصحة
علشان من دنيتي مخنوق

[المقطع الرابع]
عملت حكاية في خيالي
وفي نداهة نادهالي
ما بقتش عارف أنا مالي
ومش طايق ولا واحد
رسمت الضحكة على وشي
‫وقلت لنفسي "معلشي"
حزين لكن ما أبينشي
عشان ناوي أكون جاحد
[اللازمة]
هجيب لنفسي طقم العيد
عايشها وحيد، يا ريتني سعيد
عطتني عيدية فرحي يزيد
ومش عارف فرحت أنا ليه
في يوم ميلادي عامل حفلة
لقيت عيني قافلة على غفلة
في كلمة حفرتلي حفرة
‫وقلتلي "Happy birthday"

[المقطع الخامس]
وجبت لنفسي أنا هدايا
ما أصل ما فيش غيري معايا
بكلم نفسي في مرايا
وبعزمني على فرحي
في تفكيري أنا حبيبتي
وعشت الوهم هنيتلي
في زفتي جيتلي غنيتلي
دي أغنية إسمها جرحي

[اللازمة]
أنا هقسمني على شخصين
هاخدني في بار أنا ساعتين
همسي عليا أنا بكاسين
وأفضفض ويايا شوية
‫بقولي "مين شالك يا إبني؟"
‫قلت "ما فيش واحد شالني"
لقيت كلامي زعلني
حبستني، ما الطيبة قضية

[الخاتمة]
علي بريزة ما بيهبشي
في أي حروب ما يغلبشي
في شدة لورا ما يجيبشي
علشان على وضعه يا زعالة
حسن عظيمة ده أسطورة
في حربه ده بينهي الفورة
صور أخصامه مكسورة
ومحدوفة في دوامة
شارع الجامع أرض المنيب
إحذرنا لو في حكاية نغيب
بنحدف الأخصام أنابيب
حمل على الدنيا بحالها
محمود رضا الچنتلة
صحابه معروفة رجالة
إحذر زمايله يا زمالة
أعدائه في الحروب شالها
خالد سمير ده بيتعارك
بيقلب الحرب مهالك
في الخير تملي بيشارك
جدع، ما فيش واحد زيه
حسين عظيمة يسوق جيهة
وأي مدينة يعاديها
بيجيب عاليها ده واطيها
ده أخويا وأنا كمان ضهره
عصام صاصا يابا الكروان
وكيمو الديب جاب الألحان
كلام شمس الناسف جنان
وأبو طه ده ما فيش زيه