[المقدمة]
يا مقاطع يا ولاد الفارغة
مافيش فيكم صحاب وإخوات
بتتفركشو من صرخة
آخركو ترشدو لظباط
حريمكو شافوك لبسو إسود
عشان عرق الرجولة فيكو مات
أنا خايف تروحي مني
تكوني زي اللي سايبني
بلاش تظلمي قلبي معاكي
زي حبايبي ما ظلمني
(كيمو الديب)

[عصام صاصا]
أنا محتار وليل ونهار
بفكر ليه حياتي كرهاني
وكل يومين أعيش في مرار
ياريت المر ينساني
بقيت حاسس بخنقة وضيق
تعبت بجد يا زماني

[حمو الطيخا]
بشوف أشكال عيال أندال
كبار سن ومقام مرفوض
يقولو كلام ويرجعو فيه
بهايم جنسيتكو يهود
دولت لو قدرو ما بيعفوش
ولو يتدارو يبقو قرود
[عصام صاصا]
فاضلي ساعة وأدبحني
بدل ما زماني يجرحني
تملي بفرح اللي باعوني
مالقيتش واحد يفرحني
أنا مابقتش فاهم شيء
فلوسي خليت عدوي صديق
ده أول ما الكاشات ساحت
لقيته خصمني تاني يا شقيق

[حمو الطيخا]
يا دنيتي قوليلي أنا مين
عشان محتار ما بتكلمش
أنا الغلبان يا بني آدمين
ولا القاسي اللي ما بيرحمش
بقيت خايف أنام ليلي
عشان ممكن أنام وما أقومش
واحد كان حلمه يبقى نضيف
لكن زمنه نصبله كمين
عرفت الضيقة ويا الكيف
ونص زمايلي بقو مساجين
ولما لبست وش مخيف
بقيت مرتاح أبني آدمين

[عصام صاصا]
أنا خايف تروحي مني
تكوني زي اللي سايبني
بلاش تظلمي قلبي معاكي
زي حبايبي ما ظلمني
حكيت ليكي على حياتي
بقيت بشتاقلها يوماتي
في كل منام بشوفك فيه
بشوفها الأمورة مراتي
[حمو الطيخا]
يا مقاطع يا ولاد الفارغة
مافيش فيكم صحاب وإخوات
بتتفركشو من صرخة
آخركو ترشدو لظباط
حريمكو شافوك لبسو إسود
عشان عرق الرجولة فيكو مات
عتاولة سيوفهم إتركنت
من الركنة السلاح صدا
عشان أشبال كتير عدت
بقم يتعاركو بالعدة
بيضربو نار على الأبطال
ده طلق العولة فيكو عدى

[عصام صاصا وحمو الطيخا]
تعالى شوف في إيه يا صديق
إيه اللي حصل؟ في إيه يا شقيق؟
ده خصمي رشد وجابلي حكومة
كانو واقفينلي في طريقي
يا صاحبي روشت حضرتي
طب فيها إيه يا فردتي؟
ما أنا مخصم معايا سلاح
شايل خوجتي في عربيتي

[حمو الطيخا وعصام صاصا]
يا ليلة أسود من المطاط
عملت إيه قول إشجيني؟
أنا طاردتني الظباط
كسرت اللجنة يا زميلي
دي شغلتك على مطاردات
إيه اللي حصل تاني إحكيلي؟
نمر عربيتي عرفوها
جابو بياناتي بالكامل
قضية عويسى عملوها
إني تاجر سلاح شامل
زميلي متهم هارب
يا ترى عرفت تتعامل؟
[عصام صاصا]
راحو ع البيت جابو العنوان
خدو أخويا ما أنا هربان
أخويا تلميذ مالوش في عراك
ليه يتحط في الجدران؟
ما كنتش عارف إن خدوه
ده جوة أوضة خصومتي سابوه
ده أخصامي قامو يتنططو
عشان شبل قامو يعاملوه

[حمو الطيخا]
ده نص خصومتك الملكي
رشدو من أجل يحبسوك
وباقي خصومتك المساجين
بأي شكل بقو يأذوك
أخوك ده ذنبه إيه المسكين؟
دولت هلاهيل خافو يعاملوك

[عصام صاصا وحمو الطيخا]
ده خصمي رن من الداخل
وقالي أخوك هنا منور
ده لو ما سلمتش نفسك
في ساعة واحدة يتعور
عملت إيه يا شقيق إحكي؟
شكلك كده هتتهور

[عصام صاصا]
أنا سلمت نفسي قوام
عادي لو خدت فيها إعدام
سلمت نفسي أخويا روح
نزلت أنا وسط الأخصام
معايا قطر، فين الأعلام؟
ضرب الخصم قال يا سلام
ضربني جليت الضربة
ضربته ونزلت الحكام