[المقدمة]
(في يوم فراقك قلبي حس إنه إضرب برصاص)
(يا عشق عمري إزاي قدرتي تقولي سبني خلاص)
(متأذيش حد عشان بجد القوة مش بتدوم)
(دايماً خليك ستر وغطا، بلاش شماته ولوم)
كل اللي باعني وقال فرقني مش هزعل عليه
لازم يتخان، ما هو خان زمان، بكرة الحياة توريه
هيجيله يوم يشرب هموم ويلقى كله نسيه
الدنيا دي سلف ودين أما إنت فاهم إيه
(كيمو الديب)

[المقطع]
هنسى اللي راح وأرمي الجراح وهبقى حد جديد
مش هحن تاني، هكون أناني، هقضي عمري وحيد
قلبي هقسيه وهدوس عليه، أصل الجراح بتزيد
بقيت إنسان زي الشيطان، دفنت قلبي بعيد
عالم رخيص، كوكب خسيس، ولا حد يستاهل
نص الصحاب بقت أغراب، بيبيعوا بالساهل
ولا في إتصال، نسيوا السؤال، بقى كله يتجاهل
في الدنيا ضيعت، ياما إتلدعت، أنا في الغرام جاهل
أرض الجدعان يعني التعاون مملكة الأبطال
وحيد الألماني هو الرياسة معروف راجل سندال
صابر الجن زعيم القارة ما بيشغلوش المال
أدهم جلال وحش الجيهة كل صحابه ثقال
في الحزن بسرح، كله يفرح ليه ما عدا أنا
أنا وقت فات، أنا ذكريات وعشرة كم سنة
عايش مجروح وفاقد الروح وعقلي مش هنا
حب الفلوس قلب النفوس وداسوا ع الجدعنة
في يوم فراقك قلبي حس إنه إضرب برصاص
يا عشق عمري إزاي قدرتي تقولي سبني خلاص
فوتيني ميت في الجراح وببكي ويا الكاس
أصل إنت خاينة وبتبعيني ومعدومة الإحساس
في الشدة بانوا، زمايلي خانوا، إوعاك تقول اخوات
لو حد سألكوا فين زميلكوا تردوا وتقولوا مات
جهزت نار، أنا ليا طار وحقي عمره ما بات
غمضت عيني وهبقى قاسي وهخلص الحسابات
لما إتكسرت يا ناس فجرت مشيت في سكة حرام
خمر ورذيلة، خناقات كتيرة، وعيشت في الإجرام
فاقد الشعور، صابني الغرور، بستقوى ع الأيام
‫ماشي بـ Cutter أصلي في خطر وبلف في الإقسام
أنا مش هلوم، هييجي اليوم اللي أنا في هجيبكم
حبل المشنقه لازم يلف حواليين رقبتكم
هتبقوا كلاب ومن العذاب تتمنوا أموتكم
هتشوفوا غل ومش هحل، هتكرهوا حياتكم
من يوم ما جينا الدنيا دي والحظ غايب ليه
دايماً بنتعب في الحياة، ما هو أصل أبونا مش بيه
من صغرنا بنشقى عشان ما نستلفش جنيه
في أو مافيش متعودين والفقر خذنا عليه
ناسي الأحباب، عاشق الغياب، بغرق مع الدخان
ما أعرفش مالي عايش في بالي ما أديش حد أمان
غامض مجهول، ع الأرض غول، بقى العراك إدمان
مسدس صوت قرب يموت ولسه برضهٌ جبان
راجل في غفلة، مراته سافلة، سايبها بخيالها
جامدة وغازية مقرطساه، بتخونه مع جارها
بتجيب في غيره يزور سريره لما تقيد نارها
لو يوم فارقها تجيب عشيقها ينام في أحضانها
داين تدان، ما هو من زمان طبع الخاينة حاله
ده ذنب ناس خلصوا ناس من شر أعماله
ماهو ياما خان ولما إتخان خانته أم عياله
أيها غدار هيدوق مرار، أفعاله راجعة له
الحال ده داير، ليه تعاير حد غلط يوم
ممكن في لحظة الدنيا تقسى وتبقى وسط هموم
ما تأذيش حد عشان بجد القوة مش بتدوم
دايماً خليك ستر وغطا، بلاش شماتة ولوم
أرض التعاون أرض الموت في الحرب ما تجليش
فرسان أشباح خط الرعب بسلاح عليها ما تجيش
واحد الألماني يا عم العالم خصمك مش هيعيش
معروف برجولته هو الزعيم من جيهة مطاريش
عايشين بنغامر بحور جراءة وعملنا ألف حريق
شبح من يومه عايش بفخامة ده محمد توفيق
معروف بالحب،رجولة الكوكب يعارك ألف فريق
أحمد حسن هو الزعامة مطروش وقلبه جرئ
بيعيش بشجاعة وسط البشر وراجل إبن حلال
بركان رجولية، مافيا مجاله يعني أدهم جلال
وزير الجدعنة صابر الجن تزاوله تموت في الحال
مرعب أخصامه القلب الميت ثابت في أي مكان
خافيين وجودكوا في أي مكان فرقتنا عصابة
صاحب صاحبه بيخاف عليه محمد خرابة
باعتين مسانا لكل رجولة، إصحالنا فوق يابا
أرض التعاون خط الموت ع الخصم نتغابى
بابا الإحساس ده عصام صاصا في مجاله الكروان
شبح المزيكا كيمو الديب مزيكته عاملة جنان
وعبده روقه القلم الجارح كلامه يابا إدمان
كينج الإدارة ده يعني أبو طه في التخطيط فنان
وحوش الميديا، ملوك الترند الموس وغزالة
معاذ وليد لوجو الرعب صورته في أيها حالة
صابر مجدي ده أخويا الشق، ده البابا يا زمالة
وحش الإنستا محمد بوده في الخدمة قتالة