[المقدمة]
(حصريًا على موقع مهرجانات دوت كوم)
مابقتش حبيبك يا حبيبتي وناسيكي وشخبطت عليكي
مش ممكن أحبك أصل إنتي الغدر باين جوة عينيكي
أنا دايخ جوة عالم بايخ
شلة كفار عملوا مشايخ
الغدر صبح منتج شارخ
والجاني بقى المجني عليه

[اللازمة]
أنا مخنوق من كل الدنيا ولوحدي مافيش حد معايا
وبنام ودموعي مالية عينيا، يا زميلي بموت من جوايا
أنا عمري ما كنت بعيد ثانية وإنتوا إختارتوا البعد نهاية
لو كان بعدكوا سهل عليا كنت أنا هكرفكوا من البداية
(كيمو الديب)

[المقطع الأول]
قلبي الطيب هديله طلقة
مابقتش حياتي معايا فارقة
لو ع الكيف بشربه من الخنقة
أهي حاجة تنسيني خيانتهم
أنا تايه غايب مش داري
أنا بشرب وأسكر إجباري
هبعد عنكم خدت قراري
مش دولا اللي في يوم حبيتهم
[اللازمة]
إزاي أخصامي هما صحابي مابقتش مصدق بأمانة
أنا لو كنت عملت حسابي كنت أنا هعاملهم بخاينة
أنا عايم على بحر عذابي، قبطان على مركب غرقانة
وزمايلي بتشتم في غيابي قالوا مجنون ودماغه تعبانة

[المقطع الثاني]
ولا فاهم حاجة ولا مترجم
ونصايب ورا بعض بتهجم
كله على القرش بقى يحرجم
والتقدير بقى لأجل مصالح
أنا بنسى الكوكب بأزازة
والحب مضيتله على أجازة
حواليا أصحاب ولا ليهم عازة
خيانتكوا ألف محيط مالح

[اللازمة]
لو جيبي مليان كله يجيلي، اللي يمحر واللي يطبل
وبلاقي عدوي بقى زميلي وبنات تغمزلي وبتسبل
عفريت مابيتهدش حيلي، ما بخافش أنا بجرح وبقبل
مالقتش فيكم حد صافيلي، لو كنت مزعلني إستقبل

[المقطع الثالث]
أنا دايخ جوة عالم بايخ
شلة كفار عملوا مشايخ
الغدر صبح منتج شارخ
والجاني بقى المجني عليه
الشر قانون عشرة خاين
ومافيش إزيك مش باين
العيش والملح إزاي هاين
أنا زعلتكوا بس في إيه
[اللازمة]
أنا ماشي طريق آخره مهالك وحياتي ودنيتي خربانة
إنتوا اللي يعيش بينكم سالك بيقضي حياته في زنزانة
بسكر وبحشش وأتعارك، هضرب في قلوبكوا ٢٠٠ دانة
وفي أي خناقة بنزل أشارك، أنا جارح الأخصام بأمانة

[المقطع الرابع]
آه يا دنيا مملة وعنادية
والخلق رخيصة ومادية
دول كانوا عامليني معدية
علشان يوصلوا بر أمان
فكرت فيكم جننتوني
شيلتكوا في عينيا وعميتوني
حبيتكم وإنتوا كرهتوني
أنا هدخل بسببكوا لومان

[اللازمة]
مابقتش حبيبك يا حبيبتي وناسيكي وشخبطت عليكي
مش ممكن أحبك أصل إنتي الغدر باين جوة عينيكي
أنا عمري ما أقربلك سانتي ولا هشتاقلك وأرجع ليكي
آه حبيتك وإنتي غدرتي، مش راجع تاني أفكر فيكي

[الخاتمة]
(حصريًا على موقع مهرجانات دوت كوم)