[المقدمة]
يا صاحبي أخوك من أيها جيها
يا صاحبي أخوك من أيها جيها
وأعرف حتتكوا باللي فيها
أحسن إنك مخدوع فيا
صايع ونزيه وزمايلي نزيهة
إيه ده هو الصح بتاعكم كده
المسألة لو تيجي بالرضا
(كيمو الديب)

[اللازمة]
أكشن مين على شوقه حكاية
اللي بيتعارك يجي معايا
عيب أوي على أساميكوا، أنا مستنيكوا وحالف لتبقى جناية
الأخصام مش حمل معارك
بس بيتصوروا بكزالك
في الجوالات بينيخوا مافيش مستوى والجري دليل على ذلك

[المقطع الأول]
قفل عقلي خلاص وشيطاني إحتل
خصمي فاضله ساعة ويتقتل
برجي ومش باجي غير حمل
ما كله رايح
غدر صاحبي وأخويا خلاني أتكسر
إزاي يبيع هو أعمى النظر
والله لو أخطأ وأعتذر
كنت هسامح
[اللازمة]
من موضعي هذا هنهي الكوكب
إسمي لو إتذكر بيكهرب
كروان جيلي نجاحي زميلي ما بشغلش دماغي ولا أستغرب
باللي بيطلع واللي بينزل
مين اللي إطمن مين اللي بيسأل
الحمد لله عارف إن أنا على وضعي وهجمتي دي بتزلزل
أجدع أخ وأرجل صاحب
ع الخير دايمًا شادد ساحب
إبراهيم عبد النبي صيته كويس حاضر غايب
والكينج حسين عبد النبي
أخطر إنسان على كوكبي
الإتنين من أرض بولاق والبولاقية في الصدارة يا شقي

[المقطع الثاني]
إيه ده هو الصح بتاعكم كده
عايزين ترموني في المصيدة
المسألة لو تيجي بالرضا
أحسن من المشاكل
لو عندي إنت وأي واحد في رقبتي
وهخليك ماشي تحكي بإسمي
تتشرف إن إسمك خصمي
عشان خصمك راجل

[اللازمة]
يا صاحبي أخوك من أيها جيها
وأعرف حتتكوا باللي فيها
أحسن إنك مخدوع فيا
صايع ونزيه وزمايلي نزيهة
أنا مش واحد أنا مليون
أنا مش عاقل ولا مجنون
أنا وإخواتي لما بنتمشى كله بيعملنا باردون
[المقطع الثالث]
يا أمي شكرًا بجد عملتلي إسمي
علمتيني دروس ياما فاتتني
حضنك يا أمي ده بيريحني
وقت ما أكون مخنوق
يا أبويا تسلم إيديك لو ضربت كف
كده كده يابا ضربك بيخف
يسلم كلامك اللي إداني كتف
خلاني أفوق

[اللازمة]
معلش دي ما تحلش كارثة
وعبيط اللي يعدي الفرصة
الفرصة بتيجي مرة هتمسك فيها بإيدك خالصة في الشغلة
واللي قاعد في مكانه هيعاني
وهيرجع يبدأ من تاني
واللي ثابت على مبدأ على طول أول عمره ما يبقى التاني
(أول عمره ما يبقى التاني)

[المقطع الرابع]
بحبك يا أغلى حاجة شافتها عيوني
يا أم العيال إنتي يا بونبوني
أنا أيوة في بنات بيحبوني
بس بموت فيكي
دلوعتي اللي نسيت الدنيا معاها
واللي دايب في غرام حبها
الصاصا من قلبه يقولها
ربنا يخليكي
[اللازمة]
اللي يبص لغيره مش سالك
واللي في وقت الفرح مشارك
إضمن إنه في وقت الشدة هيبيعك مش هيقول مالك
اللي شبع بعد الجوع كافر
هتشوفه شيطان عنده حوافر
إمشي مع اللي يمشيك صح اللي في دنيته عمال بيعافر