[كلمات مهرجان "أنا سالك بين أندال" عصام صاصا]

[المقدمة]
أي مزة تعجبني بشقطها
وحياتي لو بايظة بظبطها
يا غزال وشك كورة هشوطها
أشبالي طلع بقى صوتها
(كيمو الديب)

[اللازمة]
الأيام بتخبط
والدنيا بتتلخبط
الحب بيتشخبط
وشايله من بالي
قلبي إتدمر منكوا
آسف هبعد عنكوا
هكرفكوا وهركنكوا
هعيشها مع حالي

[المقطع الأول]
إقتحام وقذيفة جوية
إحذروني هجرح فيكوا شوية
إبن موت ودماغي نووية
فاقد مش باقي ع الدنيا
مطروش عايش الحياة مغامرة
لو زعلت هعمل عليكوا نمرة
محطوط في خصومة ومؤامرة
مجنون هشاكلكوا مية مرة
[اللازمة]
أبطال ع الأرض تقال
المساكن أرض الأدغال
أحمد البيضا السندال
إحنا ملوك والكون يعرفنا
شبل جديد بقى موجود
عندنا أحسن مولود
محمد أحمد البيضا
أسد من ضهر أسود

[اللازمة]
زعلان بس مخبي
جدعنتي كانت ذنبي
أنا مين فيهم جنبي
مش شايف ولا رنة
يتعاركوا وبتورط
بتجاحد بتجبرت
أنا بصرف وبفرط
ومفيش بينا مقارنة

[المقطع الثاني]
قصف جبهة، هتصيع هشلفلك
هات آخرك ونفسي بقى أشوفلك
إندبني إكمني بكرفلك
ناويهالك، ده أنا مستحلفلك
عريك، مجرم وبتهور
سفاح، تغلط هتتعور
عفريت وعنيا بتنور
بتقولوا وقولكوا ده مزور
[اللازمة]
العشرة بقت تداس
والطيب بقى محتاس
حب ومن غير إحساس
مش حاسس أي شعور
وحداني لكن جبروت
ما بخافش ولو ع موت
أنا بفعل من غير صوت
خلوني فاقد مغرور

[المقطع الثالث]
إرتباك، في الساحة راس حربة
في الهجوم بكسبكوا من ضربة
تتشاقوا هحفرلكم تربة
وفضائي ع الأرض أنا في غربة
أنا ليلي ونهاري بصطبح
بليل بسهر عشان شبح
أنا خصمي أول ما جه إتدبح
تمساح، إحذر هتتجرح

[اللازمة]
أنا سالك بين أندال
كلها عارفاني سندال
بكرف لكلامكوا بدال
ما أزعل منكم أزعلكم
العين بتلاغي العين
إتبعت من البيعين
بتكلم مش سامعين
اللي أنا كنت بأكلهم
[المقطع الرابع]
أنا قلبي ميت وما بخافشي
وبطولي بعارك ما بشوفشي
أعدائي بيطبلوا في وشي
وأصحابي بتسيبني وتمشي
جارح وبموت في جبروتي
ما أرجعش لو حتى فيها موتي
أنا بسكت وصاحبت سكوتي
أنا غايب ومعدي حدودي

[اللازمة]
أنا بكتم جوايا
وسيبكوا بهوايا
تاعب نفسي معايا
مابقتش بدي أمان
ولا فاهم ولا مفهوم
اللي بيعشق موهوم
عايم على بحر هموم
مش طيب زي زمان

[المقطع الخامس]
أي مزة تعجبني بشقطها
وحياتي لو بايظة بظبطها
يا غزال وشك كورة هشوطها
أشبالي طلع بقى صوتها
هتشوف نفسك تهين نفسك
شاغلك علشان كاتم نفسك
تندبني وأنا برضه مش حاسك
إنت مين أصلاً عشان أنافسك

[الخاتمة]
عصام صاصا والنجم في الملعب
كروان واللي يعادني يتعب
الديب وقت نزوله بيرعب
والجرح أكيد كلامه يكسب