[المقدمة]
(حصريًا على موقع مهرجانات دوت كوم)
ملك وملكة في قلب جزيرة
قصادنا بحر وجو خيال
عين الأميرة، إزازتين بيرة
بتنسيني أنا مين في الحال
هي حياتي، خدت أوقاتي
من خطوتها يقوم زلزال
أيوة حبيبتي وقلبي وبنتي
إنتي يا حلوة يا شاغلة البال
(ياو، أمجد الجوكر)

[اللازمة]
بالسلامة، مش رخامة
بس أنا إستحملتكو ياما
مش هشوفكو وأكرفكو
ما كفاياكوا عتاب وملامة
لا بناقص أي ناقص
ما الخاين معرفته ندمة
عامل ناسي، مكبر راسي
وماشي ع الأرض زعامة

[المقطع الأول]
النهاية لقيتها بداية
لألف قصة وألف حكاية
تملي تاعب نفسي معايا
والأحزان مالهاش تفسير
الجنيه غلب الكارنيه
حب إيه اللي بتحكوا عليه؟
إنتوا ناس قاسيين كده ليه؟
بقيت أحس إنكو خنازير
صب كاسي وطير راسي
إتغيرت في وقت قياسي
صُحبة بتتعامل ملياسي
مش حاسس بينهم بأمان
يا أبو الزمالة بلاش تتعالى
ده زماننا ياما وقع رجالة
آخر العوق سجن يا نقالة
تقعد بقيت عمرك ندمان
[فاصل]
محمد علام ده رجولة وتمام
راجل يابا مشرف نفسه
محمود علام ده من الأعلام
إنتم يا إبني قصاده تتخرصوا
أحمد علام ده راجل ع الجد
ولا حد فيكم معاه يابا سد
تلاتة أشقيا عليكي يا دنيا
ومش بنهيب من حد

[اللازمة]
ألف يورو على اللي يغوروا
وكله بدوره هيدفع شيك
مسا التماسي، معاكم القاسي
لموا الكراسي وهاتوا بوازيك
كنت مأجل، كله إتسجل
مش مستعجل أولع فيك
يا اللي غدرت إنت إتدمرت
بجد خسرت إتحط عليك

[المقطع الثاني]
دنيا سيما، العشق جريمة
بحر الغرام محتاج عويمة
كلمة حب دي كدبة قديمة
وصدقناها سنين وسنين
هي فوضى من غير مفاوضة
وأي شوطة بتروح في العارضة
الموت حل، ما فيهاش معارضة
أنفخ نار وأقلب تنين
أعضاء حزب الخواجات
اللي يوقعوا بين إخوات
ما يكش تتحرق المانيهات
اللي تخليكوا تاكلوا في بعض
الحلو راح وإتبقى جراح
مات الكلام وإتشد سلاح
بقى كله فاكر التاني مرتاح
وما حدش مرتاح في البُعد
[اللازمة]
ملك وملكة في قلب جزيرة
قصادنا بحر وجو خيال
عين الأميرة، إزازتين بيرة
بتنسيني أنا مين في الحال
هي حياتي، خدت أوقاتي
من خطوتها يقوم زلزال
أيوة حبيبتي وقلبي وبنتي
إنتي يا حلوة يا شاغلة البال

[المقطع الثالث]
غلبوني، دول عذبوني
ده أنا كنت فاكر بيحبوني
ما سيبتهمش وهما سابوني
وقلوا بيا وقلبي بتهان
قالولي مالي إتغير حالي
ما بقاش ليا عزيز ولا غالي
ماشي بطولي سنين وليالي
ومين يحس إن أنا تعبان
ألف ليلة عايم في تكيلة
عينيا قافلة، دماغي تقيلة
أنا دُنيتي ما بقيتش جميلة
زعلان على قلبي المهجور
اللي خان طار في الدخان
كومبارس عملناه شاروخان
ملعون أبوك عم سوبر مان
بلاش تعيشوا علينا في الدور
[اللازمة]
صحاب مملة بشوفهم نملة
تمحير مجاملة وناس أندال
قطعت قلبي وحرقت حبي
مالقيتش جنبي صاحب سندال
ساعة الأزمة لقيتهم جزمة
وشافوا الرزمة ودخلوا شمال
أنا هتجاحد، قلبت واحد
متلف جاحد، أنا قتال

[المقطع الرابع]
في الإشتباك إضغط شباك
مش هتلاقي ولا حد معاك
يبقى رميت نفسك في هلاك
لو فاكر واحد هيقفلك
خبي موس إتجاحد دوس
طير دماغك إعمل ملبوس
إسكر وإقعد ضيع في فلوس
الكل هيقوم ويسقفلك
دس حفلة ونسوان سافلة
والحكومة بتيجي على غفلة
شد الكُبس هنعمل قفلة
والعيون تغرق في الضلمة
ده اللي بقى قولتله وداع
قلبي ميت عشت شجاع
مخي شيطان ودراعي دفاع
على مبدئي ما أرجعش في كلمة