[المقدمة]
متأكد إنكو يا صحابي أيوة ما حبتونيش
بس وجودكم زي غيابكم عادي ما يشغلنيش
ضحكتي بضحكها بس عشان صحبتي
ما تملش أو تكره قعدتي
بس الحقيقة إن أنا دنيتي
سودا وخربانة
(كيمو الديب)

[المقطع الأول]
واخد مليون سهم في قلبي ومقتول من الأوجاع
والأحزان شداني لتحت وصلت لآخر القاع
جوايا حرب ونفسيتي زفت وكل دقيقة في صراع
وفي نشرة أخبار الحزن خبر جرحي بيتذاع

[اللازمة]
بتكسر جرحي معلم سايب أثر
الهم على قلبي أنا ينتصر
برضى بنصيبي وأقول ده القدر
ما بيسميش
الآلم دغدغ في قلبي وخلاه إتفرم
والحزن صايع مش محترم
علشان ضربني قلم تلقى آلم
ما بيسيبنيش

[المقطع الثاني]
ضحكتي بس بتطلع لما بكون بتصور صورة
لكن أنا في الواقع ضحكتي مطفية ومكسورة
قصتي فيلم دراما والأحداث كلها مشهورة
من كتر خطورة الأحداث في مشاهد محظورة
[اللازمة]
ضحكتي بضحكها بس عشان صحبتي
ما تملش أو تكره قعدتي
بس الحقيقة إن أنا دنيتي
سودا وخربانة
منطفي كاره الحياة حابب إني أختفي
مهزوز ومن الصدمات مكتفي
ويا نفسي نفسي في يوم تعرفي
الدنيا كرهانا

[المقطع الثالث]
متأكد إنكو يا صحابي أيوة ما حبتونيش
بس وجودكم زي غيابكم عادي ما يشغلنيش
بعد فراقكم لسه أنا أهو بتنفس يابا وبعيش
بعدكو عني ده مصدر فرحي وحاجة ما تكسرنيش

[اللازمة]
الأذى مكتوب في صفحة إزاي يتنسى؟
إسم الكتاب صحبة كويسة
بس الكتاب مش من المدرسة
ده كتاب من الدنيا
للأسف ضرباتكو ليه ما بتصيبش الهدف؟
أخطائكو مش ممكن تتحذف
أنا شفت منكو خيانة وقرف
إسلكوا لو ثانية
[المقطع الرابع]
حبك مش بيزيد بالعكس أنا حبك جوايا مات
هبعد عنك أكتر وهزود بينا المسافات
مش عايزك في حياتي ولا صحاب ولا حتى إخوات
بلكتك من الفيس والواتس مسحت أنا كل الشات

[اللازمة]
أنانية عندك برود ومريضة نفسية
علاقة سامة أوي ومؤذية
شكاكة فعلاً مش طبيعية
إنتي خنقتيني
يا شيطانة ولا مرة قلتي إنك غلطانة
حبك ده كان تجريح وإهانة
كارهك ومش طايقك بأمانة
إبعدي وإنسيني

[المقطع الخامس]
كائن ليلي بحب الليل علشان مليان بهدوء
بسرح في التفكير في حاجات كان نفسي أنساها وأفوق
بفضل أكلم نفسي وبقولها إن أنا مخنوق
وأدعي كتير إن أنا أرتاح أو تطلع روحي لفوق

[اللازمة]
منطوي ما بقتش فير إنسان مش ساوي
مجروح ومن الأحزان مستوي
تفكيري سلبي بيبعد أوي
ما بقتش أحب الناس
القلق سيطر عليا بقيت بتخنق
والفرح قالي لازم نفترق
قدام عينيا أنا عمري إتسرق
وبقيت عايش وخلاص