[المقدمة]
أيوة، بقولك إيه يا صاحبي
ما تفضلش تقولي قلبك قلبك قلبك
بلا قلبك بلا طيبة قلبك
إبعتهاله في وشه يا فيجو يا دخلاوي
(فيجو الدخلاوي)

[إسلام كابونجا]
هي الحياة دي مالها بيا
كل شوية بتيجي عليا
ماسك لساني لو فلت
مع كله هعمل الغلط
إللي بشوفه جدع في وشي
بيغلط فيا لما بمشي
هسحب سلاحي ع اللي خاب
هبقى معاكو قليل الأدب

[ميسو ميسرة]
فتحتو باب الخصومة، هاتو الحكومة، شغلتكو مش خالصة
عايز أشوف سكاكينكو إسحبو يلا، يلا إبدأوا الجولة
كرفتو طيرتو وسحبتو لما إتدقرتو دمكو بقى صلصة
جريتو عدى وفات والكيتو ومات وإستنو تاني صدفة

[إسلام كابونجا]
أخصام كتير والصدفة جاية
هقطع إللي نفسه فيا
سكينتي جاهزة ومستعدة
هلعب معاكو في أي حتة
دول مش عارفين يعورونا
بقو يرشدو ويسلمونا
برة وجوة كاتم النفس
أنا مش هموت لما أتحبس
[ميسو ميسرة]
ترسى زي ما ترسى لو جت في حبسة أنا هحلكو
إوعو تفتكرو هنسى كل المونسة، ده أنا فايق ليكو
صاحي ماسك سلاحي فارد جناحي عليكو كلكو
الخبط للي ينط مع أي حد وكلامي عندكو

[إسلام كابونجا]
فتحت عيني لقيتني يابا
أسد عايش وسد الديابة
عملت سيط عملت إسم
من صغري بروح في أي خصم
ماشيها يمين وبالحلال
ببعد عن سكة الشمال
ضهر وسند لأي صاحب
وجنب زميلي تملي ساحب

[ميسو ميسرة]
اللبان مساكن النجع دول محاربين، هنا السلاح دباح
الأفيونة مصطفى فهد مع أي حد وقت الدكن سفاح
الحملة بلال الدبش ما بيعتمدش، ده بيخطف الأرواح
الفارس إبراهيم بوزة أخطر محارب، سلاحه يابا جراح

[إسلام كابونجا]
يا مرشيدين الجيهة فضيت
نص الشباب خلاص إتحبسو
يخرب بيت أم التليفون
إللي خلى الجدع مسجون
يا ناس إخواتنا وحشونا
الضيقة وحشة ما تفهمونا
ورا القضبان عمال أنادي
بالعافية بسمع صوت إخواتي
[ميسو ميسرة]
مظبوط مع المظبوط ولو على موت من أجل صاحبي أموت
فهد في ضهر إخواتي ورقبتي ليهم عشان إخواتي أسود
مش حب صورة في واتس، بنحب بعض فعل وصورة وصوت
عارفين الصح فين ما بنغلطوش أصل الغلط مرفوض

[إسلام كابونجا]
حبيت في قلب خاين وظالم
والحب أعمى يا إللي فاهم
إديتها حب قالت هسيب
باعتني بحجة النصيب
لما إحتاجتلي جاتلي واقعة
قولتلها شكلك مش متابعة
إنتي إتنسيتي يا فرصجية
وما ينفعش تبقي ليا

[ميسو ميسرة]
فاكراني هزعل عليكي ورحي فيكي لأ تبقي غلطان
إرتاحي بعد أما سبتك كسبت نفسي وإنتي إللي خسرانة
عنيكي كانت على جيبي قولتي حبيبي وطلعتي كدابة
بت إنتي زي الحياة مالكيش أمان، بت إنتي قلابة