[المقدمة]
عورت قريني
بشتم خصمي يا عم بعيني
أنا قاتل كل الأخصام
شيطانكو أنا حسبه
قطعت وريدي
حاقن السم في عرقي بإيدي
مخي أنا قافل يا إبني صعيدي
تلاشاني
(فيجو الدخلاوي)

[ميسو ميسرة]
جرار مسنون
يخبط يكسر أي عيون
أنا ماشي بخصم في الكون
مولود سفاح
ده آخر تحذير
ضرب غشيم من غير تخدير
هأخدك تبقى معايا أسير
ده أنا الدباح

[إسلام كابونجا]
مسجون من ٢٠٠٠ وإتنين
متربي في قبضة وشبرين
وشهادتي في قطع الخدين
متفوق أنا فيها
متكرم واخد نياشين
مش بخبط غير منحرفين
أنا بقتلي يوماتي إتنين
دبابة الجيهة
[إسلام كابونجا وميسو ميسرة]
أجدع جيهة يابا دايرة موت
هنا لو تدخل فيها هتموت
أنا دخلاوي من شارع العرب
إسلام إيسو يعني الجبروت
قولنا الدخيلة دي دولة وقارة
سيطها مسمع جوة وبرة
قلبنا يا عم على قلب إخوتنا
والخاينين لأ يطلعو برة

[ميسو ميسرة]
طلبو الإنقاذ
ما أنا فاتح أنبوبة الغاز
خدلك سكينة في البرواز
إضرب خرطوش
وبصد النار
أنا جارح خصمي أنا جزار
أنا عامل ثورة مع حصار
أنا المطروش

[إسلام كابونجا]
ضربي نافذ بقطع أوتار
أنا سافل يا إبني أنا جزار
أنا واخد ٢٠٠٠ إنذار
مستني أنا موتي
قطعت في جسمي أنا متخطر
مشيت الأخصام بالأندر
أنا في الجولة لا يمكن أخسر
إستحملو برودي
[ميسو ميسرة]
خد بوم بوم بوم
وشك قطعته وجاب دم
ما تعيشليش دور إنت مهم
وبلاش تكرف
شبشبي والموس
أنا سافل مش بمضي خلوص
مسجون بتعارك بلبوص
ده أنا بشلف

[إسلام كابونجا]
أنا صديت منه الخرطوش
عورته ما خدتش خربوش
أنا خصمي أساسي ما أشوفهوش
بكسر أنا بنفسه
قطعت وشك تسوى ألا كام
كام دور شاي على ساعة كلام
أنا قاتل كل الأخصام
شيطانكو أنا حسبه

[ميسو ميسرة]
عورت قريني
بشتم خصمي يا عم بعيني
ومصاحب جني وشياطيني
ملازماني
قطعت وريدي
حاقن السم في عرقي بإيدي
مخي أنا قافل يا إبني صعيدي
تلاشاني
[إسلام كابونجا]
بيسو يا غزال عودك فتاك
شعر حرير والله وبلاك
عايز أقضي العمر معاك
تبقي أم عيالي
بعشق أمك يا أحلى عيون
يا أجمل بنت في كل الكون
ده أنا والله أقلب مجنون
لو تديني العالي

[ميسو ميسرة]
الحلوة مراتي
أخدت قلبي وهي حياتي
إنك تبعدي لأ مش عادي
يا بسبوستي
دي قطة سيامي
هي حياتي وهي غرامي
إوعك تبعدي من قدامي
يا دلوعتي

[الخاتمة]