[المقدمة]
(بيتي ما يتوهش)
(قولتلك إنه هناك في الوش)
(إستنيتك وإنت ما جيتش)
(تستاهل قلمين على وشك)
(سرك خليه لنفسك بس)
(إوعى تأمن حد يا شقى)
أنا إتربيت من صغري ع الشقى
لحد ما وصلت للي وصلتله
إبعتهاله في وشه يا فيجو يا دخلاوي
(فيجو الدخلاوي)

[اللازمة]
فاتح مطوتي
وبلوش في اللي في سكتي
بتعارك خارج دايرتي
بس مشرف دايرتي برة
العدة متاحة
ومافيش أكتر من الأسلحة
ولا في أسهل من المدبحة
بس الحبسة بجد مرة

[المقطع الأول]
دكن تعمل دكن تتدك
خد فاك في السلة أحلى بلوك
الكوك خلاك عليا تحك
أنا صاحب حق إنت الغلطان
قدرت وفي النهاية خسرت
إخترت العيشة خلوني موت
بعدت عن الجميع إرتحت
وأهو دلوقتي عايش في أمان
[فاصل]
هنا من المشابك
أخويا الجدع الراجل السالك
لوحده قصاد شارع يتعارك
سكر في المشابك مسيطر
وفي كل دقيقة
بدعي يا رب يفك الضيقة
إخواتي في الحبسة بريئة
أخويا أنو وأخويا كركر

[اللازمة]
إستعيد صحتك
بعد أما تخف هقطعك
دول كام ضربة عقبال ما أقتلك
ومافيش مستشفى هتقبلك
تعمل عنترة
همشي ومطوتي متزفرة
إتنين قدام وأربعة ورا
خف وقوملي أصلي إشتقتلك

[المقطع الثاني]
أسد مالك يلا جرالك إيه
إيه ده مالك خايف كده ليه
لازم تاخد واحد أمبليه
خد آربيجي وأنا همسة مطوة
العراك هلاك ومطحنة
نصه إنحراف ونصه مسجنة
مش قده يبقى فوق يا عمنا
مش كل حاجة بتيجي بالقوة
[اللازمة]
بيتي ما يتوهش
قولتلك إنه هناك في الوش
إستنيتك وإنت ما جيتش
تستاهل قلمين على وشك
لأ ما تعيطش
خد منديل ياض ما تبينش
مش قد الكرفة ما تكرفش
أنا علشان قادر فرحمتك

[المقطع الثالث]
أونطة مالكش لازمة بجني
كارهني عامل بتحبني
أنا صاحبك إنت صاحب جني
شغلت ليه دماغك على أمي
عايز حاجة إطلبها بإحترام
أنا قد كله إلا الحرام
لكن هتقول في ضهري كلام
مش هتبقى أخويا هخليك خصمي

[اللازمة]
لو كانت بالصيت
كان كلها هتحدف كيت
الصيت بيلبس في الحيط
إسأل حد مجرب زيي
خليك في الدس
من غير ما أي حد يحس
سرك خليه لنفسك بس
إوعى تأمن حد يا شقي
[المقطع الرابع]
بطل بت عسل مشكلة
وحش جامدة طرش قنبلة
منجاية حياتي مقتلة
ومعسلة وكلها ميزات
يا أم غمازات بحبك آه
إنتي صوتك أحلى من الربابة
إنتي بقيتي حرم الدبابة
مين قدك إنتي ست البنات

[اللازمة]
والنبي لتفوق
وتشيل قرنينك اللي فوق
كل نتاية تديك خازوق
مش بيحوق فيك يا إبن أختي
واللي إنت معاها
جت ع السكة وأنا نطرتها
والنبي لو شوفتها قولها
تبقى تجيلي تديني حظاظتي

[المقطع الخامس]
إنت صاحبي توب يا إبن قلبي
يا حتة مني يا اللي مقويني
يا زمالة إنت أخويا مش صاحبي
إنت توأمي عشرة سنيني
أي حاجة مشتركة ما بينا
مع بعض كبرنا سنة سنة
من أهلنا برضه إتعلمنا
ما نخونش بعض يا نن عيني<