[المقدمة]
أيوة، قالك كلها بتعارك وكلها بتطير
وكلها عايشة دور الفرسان
ما هو سهل تبقى فارس
بس صعب تبقى أحمد عادل الفارس الأول
هشش عشان فيجو الدخلاوي يخش
(فيجو الدخلاوي)

[إسلام كابونجا]
أتحدى أي حد يعمل إللي إتعمل
فارس مدوخ حمل
كلية الإجرام كان مهنته فيها دكتور
أول فارس ملقب بالفارس الأول
راكب ولسه مكمل
عمري ما شفته في مرة هايب أو مكسور

[ميسو ميسرة]
هو ليه كله بيخافش؟
مش شايف ليهم وجود
لما كنت في يوم مكلبش
هما كانوا عاملين أسود
راجعة فاجعة مش بسيطة
ده كله عمل إنسحاب
الباب الجديد جوة الخريطة
إسمها دايرة العذاب
[إسلام كابونجا]
إرجع يا وقت بينا من سنين فاتوا
أبطال كتير ماتوا
فرسان وحمل إتخدوا في دوامة المساجين
دلوقتي أي جرو ماشي بسلاح قطر
وإبن إمبارح بقى خطر
مستغرب الأشكال إللي تلفها الكيتامين

[ميسو ميسرة]
من بعد حكمه وقته طال
رجع فارس جيهته الأساسي
في وجوده عايز أشوف أبطال
أو حد يعمل فيها قاسي
خشوا الجحور وإجروا إستخبوا
للغلابة رجع الأمان
لقب الفارس ده يستحقه
ما هي مش بكترة الفرسان

[إسلام كابونجا]
علشان رجولتي ممكن أخسر إللي في جيبي
وما أسيبش حد حبيبي
أكتر عراكي من أجل صحابي مش من أجلي
كان عندي جيش صحاب زمان زماني إتكلب
دلوقتي كله إتشطب
إللي ما رنش وإطمن وأنا محبوس يخسرني
[ميسو ميسرة]
عملة الجدعنة نادرة
عملة الدولار متاحة
مش كيوت ولا عيني خضرا
ولا التليفون عليه تفاحة
معايا أيفون الغلابة
ماليش علاقة بالتطور
المنحرف بيقولي بابا
لو هو خطر أنا أخطر

[إسلام كابونجا]
سامع كلاب بتعوي هاو هاوه فاضية
أبطال على الميديا
الصدفة بتوقف قلب إللي يطير ع الهاتف
سكينتي جنب مني وأكنس الشارع
أنا حملة مش صايع
سموني فارس جيهتي عشان بصرف مش كارف

[ميسو ميسرة]
لسه شغلتي مفتوحة
حقي هأخده بس الصبر
أنا لو عليا أعيشها بوحة
بس المشكلة في الحرز
وأنا مش ناقص أصلاً حبس
كفاية عمري ضاع في ضيقة
مش عايز أبقى ورا الشمس
هخطأ وأحاسب دي الحقيقة
[إسلام كابونجا]
كلمة أخويا كلمة قليلة عليه
وأنا بتشرف بيه
ضفرك برقبه كله راجل مشرف نفسه
خليك معايا وإوعى تمشي وتسيبني
بعدك يعذبني
علشانك أعمل كارثة وأعارك كتيبة من أجلك

[ميسو ميسرة]
بعد مني مافيش رجولة
بعد مني مافيش عراك
دلوقتي الكلام بطولة
مافيش تلاحم وإشتباك
وهي كانت رحلة طويلة
رجوعي رعب الكلاب
كنت بفكر كل ليلة
وأكتب في دفتر الحساب

[ميسو ميسرة وإسلام كابونجا]
إيه يا أخويا إيه إللي فيك
سامع إن إنت في حكاية
خلصتها عيب عليك
ما حدش عرف يجي معايا
آجي ولا الدنيا جميلة
آجي أحدف في بيتهم فتيلة
يا صاحبي شايلك للتقيلة
أنا تمام وإنت معايا
أنا تمام وإنت معايا

[الخاتمة]
الفارس الأول فارس إسكندرية
السيطرة الدولية
الفارس الأول أحمد عادل أبشر
أحمد عادل فارس وكلامه لازم يمشي
ده رقم واحد ع الدغري
الباب الجديد هتنور برجوع البطل
الديزل إللي مالوش شبيه
كرم عادل ديزل يا دولة
يشرف دولة خمسة عليه
كرم عادل من العتاولة
وليد الرماح البلدوزر
بلدوزر قلبه صافي بيور
بحب الناس إتسمى بطل
وليد بالجدعنة مشهور
بلدوزر بالجدعنة مشهور
حمو السيد چنتل كلها بتحبه
في جيهته وبرة جيهته
من يومه صاحب صاحبه وعايشها برجولته
هو يا عم إنت حنين وقلبك أبيض
رجولة يا حمو يا غزت
حمو عزت الحنين كل الناس بتحبه