[المقدمة: حمو بيكا وإسلام كابونجا]
صاحبي التوب بيكو كلكو
لو على حرب لموا بعضكو
حددوا ميعاد على أرضكو
في فيمتو ثانية هننزلكو
عيني ليلي يا ليلي يا ليلي يا ليلي
عين يا ليلي يا ليلي يا ليل
عيني ليلي يا ليلي يا ليلي يا ليلي
عين يا ليلي يا ليلي يا ليل
فيجو الدخلاوي

[اللازمة: إسلام كابونجا]
فاصل ونواصل، يلا مجازر
دقت ساعة الحرب الآن
في هجوم متواصل، تحصيل حاصل
أنفجر عليكوا البركان
أنا شاب مناضل، جندي مقاتل
قائد كتيبة الإعدام
صياد ومغامر، بدي أوامر
في ثانية أغربل المكان

[المقطع الأول: حمو بيكا]
كانت جنة وبقت خرابة
غابة ومدبحة للغلابة
الناس بيناموا زي الديابة
واللي يقسط يابا يتخرط
إحنا في لعبة الحبار
سباق يا الفوز يا الإنتحار
بس خسارة ماتوا الأبطال
والعبرة في آخر مشهد
[اللازمة: إسلام كابونجا]
أنا واخد حرزي وعيني في راسي
ميزاني بيطب ع الكفة
أنا ساند نفسي لآخر نفسي
حتى لو عضمي في قفة
وبصون وبراعي بلا أي داعي
قبطان سايق الدفة
وزميلي دراعي، أنا صاحي وواعي
فايق للطسة وللصدفة

[المقطع الثاني: حمو بيكا]
صاحبي التوب بيكو كلكو
لو على حرب لموا بعضكو
حددوا ميعاد على أرضكو
في فيمتو ثانية هننزلكو
إيه شوية سيكوباتية؟
واقف معانا شغل العقبية
على كسر عين المرة الجاية
أظن رسالتي وصلتلكو

[اللازمة: إسلام كابونجا]
في عرضك يا حكومة، أنا كل خصومة
بيجروا يشكولكو الأخصام
قانون العدالة لا يحمي الناس
المغفلة، ولا إيه النظام؟
غابة ملغمة ضباع وديابة
وعطشانين لضحايا ودم
حتى الغلابة عملم عصابة
وما فيش حد كبير بيلم
[المقطع الثالث: حمو بيكا]
بضرب كف على كف منكو
من اللي بشوفه من عمايلكو
لو أفعالكو زي كلامكو
كان زمانكو بقيتوا وزراء
وصلوا لدرجة النفاق علني
العامل في قيمة العواطلي
والمسجون بقى زي المدني
الجهل سيطر والغباء

[اللازمة: إسلام كابونجا]
الضيقة خنيقة، يا رب طريقة
أطمن بيها على إخواتي
عايز الحقيقة؟ أنا كل دقيقة
بأدب نفسي على الماضي
وبقطع لحمي، مخصم جسمي
ودمي بيتصفى قصادي
الشر غلبني، الحديد حبسني
وإتحطيت في حجز إنفرادي

[المقطع الرابع: حمو بيكا]
حكم الزمن قاسي يا ناسي
آسف ليكو، إنتم على راسي
عارفين إن أنا واعي وراسي
بس الشر خبط على بابي
وأنا دمي عمري في يوم ما جابني
أشوف غلط وأقول برة عني
صحيح بند الجدعنة دمرني
بس أنا سايب سيرة في غيابي
[اللازمة: إسلام كابونجا]
عندي صحاب ياما لكن بأمانة
عندي واحد صاحب توب
رجولة وشهامة، جبل جدعنة
بنتعاملوا بأخوة وحب
لو فات علينا خمسين سنة
اللي في القلب في القلب
عشناها بفخامة وسيبنا علامة
عملنا الصيت من شرق لغرب

[المقطع الخامس: حمو بيكا]
ما باخدش وأدي، أنا مش ودي
ما تجيش معايا في دور تحدي
إنت مش ندي ولا قدي
لو خصمتك ليك الشرف
ما فيش مرشد معاه إتعشت
أخصام كتيرة فيا إتغشت
واللي مش قادر يصرف يشمت
ما فيش جدعنة يا ناس للآسف

[اللازمة: إسلام كابونجا]
لو دمع عينيكي مأثر فيا
صدقيني هحن وأدوب
إنتي إستغبيتي وفجأة قسيتي
إنتي شفتيني بالشقلوب
أنا كل ما أبص في صورك أدمع
بس دمعتي ع الأيام
اللي أنا عشتها معاكي يا خاينة
بس طلع كله كلام