Eslam Kabonga - إسلام كابونجا
Ana Lebsy Oversize - أنا لبسي أوفر سايز

[المقدمة]
أيوة، أيوة
إبن كار وبعرف أجيب الجنيه
ما أنا أجيب يا عمنا منين؟
كان لازم إني أتعب وأشقى في وسط البشر الملاعين
وهو وليد فتحي بيقولكو
هي بالحب مش بالحرب
أفيجو يا دخلاوي
وليد فتحي وإبراهيم البلدوزر بيقولولك
إبعتهالهم من بولاق، ها
فيجو الدخلاوي

[المقطع الأول]
اللي شافني شوفة مش بتاعتي هكمسه
هتلف ملامح وشه
وهخلي ناس على حسه تشم نفسها عليه
غصب عني عشت في الحياة دراكولا
ما أنا قلت أعيش برجولة
ما لقيتش منكو رجولة، أتعامل بيها أنا ليه؟

[اللازمة]
لو ترابيسي فوتت بتحول للغتت
ما يغركش المظهر، إوعى تشوفني كويتي وبكت
مش علشان صريف ولابس لبس نضيف
أنا نمت ع الرصيف ومجرب كل حاجة إلا الكيف
[المقطع الثاني]
وليد فتحي مالوش في التكريت، بينفذ
وليد فتحي أخ كويس
مظبوط مع المظبوط، في أرض بولاق قناص
أخويا إبراهيم البلدوزر فارس البلد
أخويا أشرس أسد
لو تيجي ع البلدوزر تحت الرجول تداس
يلا بينا جولة، مين اللي هيحددها؟
أنا كده كده هلعبها
لو حد طمعان فيا ينطق يقولي أنا
أي حد نفسه فيا أنا ع الإمة
ولوحدي، معيش لمة
لو حد عايز جولة يطلبها بالجدعنة

[اللازمة]
هل مين المتحدث؟ علشان عايز أميز
يا ترى الشرطة اللي بتتكلم ولا لسانك أريس؟
شكلك جاي في كده وهسمعك الندا
قبلك ياما أسامي قالوا قدامي أقوال مترددة

[المقطع الثالث]
برة عني، مين صافيلي؟ كلها واحد
كان لازم إني أتجاحد
وقلعت ماسك الطيبة والقلب خليته جاحد
اللي كانوا جنبي وقت ضيقتي سابوني
والنعمة دي إتجاهلوني
وفي ضهري كانوا تعابين وفي وشي بيحبوني
[اللازمة]
أنا لبسي أوڤر سايز، مش سكِّتي الآيس
ده أنا من كتر الفيلا الحمرا الصحة بقت ع البايظ
أنا شخصيتي مبهرة وفي عركتي عنترة
عمري ما جبت لورا وماليش في الشو ولا في المنظرة

[المقطع الرابع]
إبن كار وبعرف أجيب الجنيهين
ما أنا أجيب يا عم منين؟
كان لازم إني أتعب وأشقى في وسط الملاعين
رزقي بصوا فيه وحسبوا اللي داخلي
شتموني وبيوصلي
من كتر ما أنا بتأذى أنا خدت حذر من ضلي

[اللازمة]
كانت شغلتي إجرام، أنا سنة أولى غرام
بس لقيت اللي بحبها، لو ضاعت مني حرام
حبيتها بأڤورة، دمي في دمها جرى
ضحكتها بتقتل، بعشقها أما تكون متوترة

[المقطع الخامس]
الصحاب دي رزق وإنت رزقي الواسع
أخ نضيف، مش صايع
لو مش معايا أنا كنت زماني مستقبلي ضايع
آه بخاف عليه، في أي حتة أحاسبله
والنبي حد يقوله
إني بحبه بجد ومش لاقي صاحب زيه
[اللازمة]
إسمك إيه؟ ولا أعرفك، سوري مش مستنضفك
أنا أبويا قالي زمان إوعى تماشي ناس مش بتشرفك
إنت هناك مش هنا، هنا زيك زينا
الأبطال في السيما يا عم، أهم حاجة الجدعنة

[الخاتمة]
وليد فتحي الأسطورة في أرض بولاق
ده بعبع الأعداء
بيقول أنا مبدأي بالحب، مش بالحرب
أخويا إبراهيم البلدوزر كينج زمانه
في رقابي تطير علشانه
أخويا إبراهيم البلدوزر في بولاق ده هو التوب