[المقدمة]
أيوة، الدُنيا بحر والناس مراكب
فيه اللي عايم وفيه اللي راكب
وكله داخل في سِباق عَ الصيت
زي ما إنتَ فاهم
آفيجو يا دخلاوي
صاصا الصاوي بيقولك
إبعتهاله من شُبرا الخيمة
فيجو الدخلاوي

[اللازمة]
دوام الحال من المُحال
نصيحة يا ولاد الحلال
مش بالمال ولا بالجمال
دي النية السالكة مالهاش ملكة
إسلك هتسلك في المتاهة
هتتحنش هتتوه جواها
ما تخشش حرب مش قدّها
عشان ما فيش في العركة رحمة

[المقطع الأول]
هتِبدأ هلغي أي مبدأ
قبل أما تِبدأ أنا مسبق
كله بيحكي بطولات تتصدَّق
وبسمع أفلام أجنبي
اللي عاملي فيها رامبو
فضحه في زلة لسان صاحبه
عاملين ضريبة وبيتضربوا
وكلها أبطال في غيابي
شُبرا الخيمة منبع بطولات
في التاريخ سجلوا أمجاد
مربّع خطر وجنّيات
وحوش من وسط جيوش يعدّوا
صاصا الصاوي فارس جيله
الصاصا ده ليه تقديره
في جدعنته ما فيش مثيله
إسمه لوحده مشرّف جِهته
[اللازمة]
إجهزوا الجولة بدأت يلا
يلا وسيبوها على الله
إركِن كل الخاينين العولة
أنا عايز أتعارك قدّام كوبش
أنا هلعب وهضرب سطحي
طب مين بأوتاره مضحي
ليه دلوقتي جيتوا في صالحي
لما كام وش فيكوا إتنتش
متصيّت خطر غصب عني
لأجل إني بزعل عَ اللي مني
إسأل عني مسجون ومدني
أي حكاية أخوك بطلها
أصل الدُنيا الجاحدة خلِتني
مجزور قبل أما الناس تِجزورني
أنا الذي زماني غدرني
والرّحمة قافلة في وِشي بابها

[المقطع الثاني]
بيني وبينكو ومن غير تشنيع
أنا اللي خيري عَ الجميع
ليه عايزيني أتدمَّر وأضيع
إكمِني كل الناس حابيني
يلعن أفكاركو الشيطانية
يخرب بيت أم دماغكو دية
رسالة بلسان الحُرية
لماذا الجدع عليه مجني
كابوس عليكوا يا اللي عينيكو
بتطق شر من سوادكو
كل مرّة بتنسوا تمامكو
بفكركو تاني في ساعتها
يا مُرشدين لموا حريمكو
عشان على الدُغري لاغينكو
مِزربعينها من ورا منكو
شيلوا قرونكو اللي مِركّبينها
[اللازمة]
الجاى على نشاط وصحة
عايز الناس من البنج تِصحى
نُص الشباب محتاجة مصحة
والباقي عايزين دوا كُحة
يا صيدلي كفاية سموم
بتبيع كام علبة كل يوم
راعي ربنا في الزبون
أظن إن الرسالة واضحة

[المقطع الثالث]
بعمل معاكوا اللي أعرفه
لكن إنتو مش بتشرَّفوا
يا رب من جوة تِنضَفوا
أنا بدعيلكو الله يهديكو
لازم تِفوقوا للي جاي
الجاى مش عايز الني
الضرب نافذ، طلق حي
إعملوا عِدّة وساووا حالكوا

[اللازمة]
حبيبتك اللي بتموت فيها
كل يوم يا أسطى بتقضيها
وإنتَ كحول مش داري بيها
قولها بقى تِلم نفسها
الحب مش هينفعك
البِت عايزة تِوقعك
لو كملت هتضيّعك
عندي مُستنداتها كلّها
[المقطع الرابع]
كنت مقطَّع السمكة وديلها
قابلت واحدة بَصِّيت في عينها
نسيت كل اللي قبل منها
بتحبيني وأنا بعشقها
جمال رباني وعود مِتفصَّل
وعيون عليها نظرة تِوصَّل
أبيض على الأبيض يا سُكَّر
دي روحها أجمل من جمالها

[الخاتمة]
شُبرا الخيمة بلد الشجعان
جيهة ما فيش فيها جبان
كل اللي من شُبرا جدعان
شُبرا الخيمة أرض الفُرسان
صاصا الصاوي باشا الزمان
فخم وإسمه يحترم
الصاصا قُنبلة إجرام
والشّقاوة بإحترام