[المقدمة]
أيوة، في ناس تتعوَّض بناس
وفي ناس ما تتعوَّضش بكل الناس
وربنا ما يوريك الفهمان وهو عامل عبيط
أفيجو يا دخلاوي، إبعتهاله في وشه
فيجو الدخلاوي

[اللازمة]
إوعى لا تتخبط
أصل إنتوا بتاكلوا من اللبط
مش بالكُترة ولا بالعدد
فوقوا من الأوهام
كله هيتجلد
عاملينلي نجوم وإنتم لمض
شكلكوا أصلًا أشكال غلط
تشبه الشيطان

[المقطع الأول]
عقرب ولدعني
والضربة اللي في يوم توجعني
أشرس وأخطر بترجعني
الصبر جميل (الصبر جميل)
ع العادي يا بايعني
بيعتك بصراحة كسبتني
ناس تانية تمام وشرفتني
ليهم تقدير
[اللازمة]
من أرض الساقية
ده جلال جِز قد الدنيا
ومحمود جِز يا بشرية
إتنين باشوات
جلال جِز ده زعامة
ومحمود جِز ده الفخامة
أرض الساقية جيهة بأمانة
كلها باشوات (ولا)

[المقطع الثاني]
سهمين في عينيك
يا اللي تبُصّ لحاجة مش ليك
دنيا مش شبيك لبيك
إرضى بالواقع
إشقى يا صديق
كل حاجة تكون تحت إيديك
وما حدش هيجبي عليك
ده الجاي ضايع (ضايع)

[اللازمة]
صاحبي المفتري
بيقرفص قدام الجني
بيبيع فيا وبيشتري
وبيطبخ سم
إصحى لا تنجيلي
مش كل الفسفور جمبري
ياما ناس من برة تمام أوي
من جوة كلام
[المقطع الثالث]
مدمن الخيانة
غرمني كتير إبن الجبانة
دفعني سنين عمري غرامة
حبس إنفرادي
شيلت أنا الملامة
قضيت في الحبس شهور ياما
أوضة عشرة بتشهد يا زمالة
على كل كلامي

[اللازمة]
عندي أخ راجل
هو أجدع صاحب يتزامل
واقف معانا أي تعامل
إسلكوا تسلكوا
عايزين تأذونا
بس مش عارفين تواجهونا
إحنا أي أخصام إنتدبونا
في جولة إتفرتكوا

[المقطع الرابع]
عالم أوباش
في لسانهم حاطين رشاش
خزنة حوارات ما بتفضاش
والفعل ما فيش (والفعل ما فيش)
بيقولوا كتير
وكلامهم مزيكا جميل
بس الأفعال فيها تغفيل
عايزين تفتيش
[اللازمة]
كلها بتطير
كلها يابا طلعت أساطير
ما سمعتش عنكوا سمع خير
كلكوا أشرار
حبة قراطيس
أجدع واحد طبعه خسيس
دمكوا عندكوا سهل رخيص
غلبتوا الكفار

[المقطع الخامس]
كلكوا أصنام
حللتوا حاجات ياما حرام
ظالمين وبتعملوا حكام
طب يرضي مين؟ (طب يرضي مين؟)
أبطال؟ يا سلام
أبطال من ورا مش قدام
كلها على بطنها بتنام
قدام قرشين

[اللازمة]
الذكرى زمان
أول صفحة بالألوان
مرسوم فيها ضحك وأحلام
مليانة أفراح
باقي الصفحات
فيها مرار طافح وسواد
يقضي على كل الحكايات
واللي راح راح

[الخاتمة]
من أرض الساقية
جلال جِز أسطورة حية
وزير التقدير والرجولية
ده زعيم الجيهة
حودة جِز الفخم
إسمه أشهر من النار ع العالم
الصيت ده مزامل الزمن
وسيرته نزيهة
محمد جلال جِز
إبن الباشوات، إبن العِز
إنت البيج بوس، أكيد برنس
أرض الساقية
أبطال، أبطال
سيطرة بتنفيذ وأفعال
الساقية دي مصنع الرجال
منبع أشقية
كابونجا الدبابة
ديشا المصري وحش الكتابة
فيجو الدخلاوي هو البابا
تلاتة عصابة
القناص ولمبادا
ودولسيكا إسمه في الصدارة
كرم كابو ده سندال بجدارة
ساحب سحابة