[المقدمة]
أيوة، أنا من رموه وسط الذئاب ليموت
فعدت وأنا أقود القطيع
أنا الضعيف لله، والحمد لله الدنيا تمام تمام
أفيجو يا دخلاوي
‫حمو الچوني بيقولك "وصّلهاله بشياكة"
فيجو الدخلاوي

[اللازمة]
أنا مش عايز حد يدافع عني
أنا حمل خصومتي يا عم
أنا مهنتي مغامر، شغلي عراك
أنا بفطر ع الريق دم
ما يغركش المظهر، بس أنا بظهر
أدوس على وش الكل
ما تعيشليش في الدور، أنا مش فرفور
أنا أفعى ببخ في سم

[المقطع الأول]
إسمع مني، إخلف نفسك
لو كنت خايف على نفسك
إنت اللي بتغمز نفسك
ومفكر إنك هيرو
هيرو على إيه ياض؟ بلا خيبة
إجري يا جرو إلبس چيبة
أنا وصحابي شبه كتيبة
مطاريش، ع العيب بنطيرو
حمو الچوني بيقول يلا
بيقولكو كله على الله
كل اللي طالبني في جولة
أنا ع الإمة واقف جاهز
أنا عجماوي، جهتي العجمي
أنا واخد وضعي في شارعي
إسمي الچوني، إسأل عني
أنا حمو الچوني، بضرب نافذ
[اللازمة]
أنا كل ما أكن شوية بيجوا عليا
ويفتكروني عجزت
لو فاكريني خلاص ريحت
أنا لسه بصحتي وما زلت
خدت الشر طريق في حياتي
من بعد ما كنت خلاص بطلت
مين هيجرب حظه معايا؟
أنا جاهز للي هيعمل تيست

[المقطع الثاني]
أنا مش مجرم ولا تاجر
كل ما فيها إن أنا فاجر
الظباط عايزاني أهاجر
ما أنا عامل في الجيهة نوش
ولا عندي دولاب ولا ديلر
أنا شاب إتأذى وإتسعر
من اللي بشوفه من البشر
قربت بجد أتروش

[اللازمة]
بضرب عيل فاكره حرامي
فجاب أخصامي في كلمة ونص
قبل ما يجوا أنا كنت بكامسه
وكان البارد مش بيحس
شكله مبلبع كيميا كتير
ومهيأ نفسه إنه البيج بوس
صورته وأنا بورم وشه
وخليت كل الخلق تبص
[المقطع الثالث]
أنا ساند نفسي بنفسي
هدفي الأول مصلحتي
مبدأي كله إلا كرامتي
عايز عيني؟ خدها بأدب
هتجيب بُقك في قفاك
هديك كوع وأجي معاك
وهتجري وهجري وراك
وهتتهان وهتضرب

[اللازمة]
صاحبي الخاين رن عليا
وقالي أنا مستنيك، تعالالي
ما أعرفش إن أنا كده بتحضر
والأخصام كلها جايالي
خصمي اللي أنا كنت مميزه
وبعامله بكل رجولة عبالي
أكتر حاجة وجعتني
لما أنا شفت زميلي وانس قدامي

[المقطع الرابع]
عيب يا زميلي، ده أنا ميزتك
ليه تخلي الغدر يصاحبك؟
ده ما فيش أطيب من قلبك
بس الطيبة قلبت قسوة
مع بعضينا كنا بنكبر
كنت نضيف وأنا متخطر
بتقول ع السكر أوكر
دلوقتي عايشها فتوة
[اللازمة]
بفتح واتس لقيت سنيورتك
بعتالي كلمني، أنا عايزاك
كلمتها وقالتلي بحبك
وأنا ما رضيتش أعملها معاك
فوق يا إبن أمي، البت دي شر
وكل دقيقة تتمنى أذاك
أنا قلتلها لا يمكن أبيعه
قالتلي أنا هفضل أجري وراك

[المقطع الخامس]
إنت أنا وأنا إنت يا شقي
لو غايب بتجيب حقي
قلبك دايمًا على قلبي
أخ واحد بس بمية
اللقمة اللي بنبلعها
بنصونها ومش بنخونها
الجدعنة يابا دارسينها
وإتربينا ع الرجولية

[الخاتمة]
حمو الچوني مغامر العجمي
ومش بيسمي على الأعداء
قلب جريء مش بيهيب حد
وجاهز يلعب أي لقاء
بيقول عندي أصاحب كلب
علشان شفت أنا منه وفاء
الچوني إسمه مشرف جهته
حمو الچوني بيعمل ضوضاء
وكابونجا يا ناس دبابة
جندوفلي يا عم البابا
فيجو الدخلاوي يتغابى
أحلى إدارة مصطفى دولسيكا
هنا هنقول ع السيطرة
هنقولو وليد لمبادا
والقناص عامل غارة
عاملين دوشة وبوليكا