[المقدمة: إسلام كابونجا]
ولا، ولا، إسمع
لو شفت نفسك عليا وإنت فوق أنا هنزلك تحت
ولو ما جيتش معايا بالحب همشيها معاك ضغط
أنا نو آند نو، نو تورتة، دونت جاتوه
أفيجو يا دخلاوي
عمر أبو جاد بيقولك إبعتهاله من حدايق القبة
فيجو الدخلاوي

[اللازمة: أحمد موزة]
أنا قلبي لما حن للي جه عليا
موته بإيديا
أنا أي حد أذاني مالوش دية
كل أما أمد إيدي ليكو تتاكل
مش شايف راجل
كلكو مالكوش فيها، مش حمل مشاكل

[المقطع الأول: إسلام كابونجا وأحمد موزة]
أنا إتسعرت مش إتكسرت، أنا لسه على وضعي
بس اللي حولني
جرح القريب قبل الغريب هو اللي دمرني
بس العشم معروف غشم والناس بتتجاحد
كان نفسي أشوف واحد
بيحبني زي أما بحبه، الجدعنة إتمحت

[المقطع الثاني: إسلام كابونجا وأحمد موزة]
فتح عينيك وبص مين قصادك ياض
أنا إسمي عمر أبو جاد
طول عمري ضهر لنفسي، ما حدش خيره عليا
حدايق القبة أرض المليار مطروش
الفرد فيها بجيوش
أنا إسمي عمر أبو جاد، الحملة قصادي هفية
عرفني إسمك إيه وإيه تاريخ أهلك
أنا هتجاهلك
لحد ما أعرف تطلع مين ومنين
لو جاية بيا يلا بينا، قلت أميه
إنت خايف ليه؟
كرفت هقطع وشك من الجنبين
[اللازمة: إسلام كابونجا وأحمد موزة]
القلب مات بس الثبات ع المبدأ إتجزأ
وفي ناس بتتلزق
واللي مالوش ضهر ومالوش سند بيتهزق
وبقى الكويس مش كويس، الحال ليه إتغير؟
قعدتكو بتخسر
قاعدين عشان فلوس وكيف وخروجة مش أكتر

[المقطع الثالث: أحمد موزة وإسلام كابونجا]
الناس يا أخويا شافوا أخوك غلط خالص
يا أسطى إنت مش ناقص
قولي مين اللي مزاولك وأنا هتعامل
اللي إنت كاشحه، راح وقال ورايا مواويل
مش ده اللي قلت أصيل؟
وجعلت منه زميل وأجدع راجل

[المقطع الرابع: إسلام كابونجا وأحمد موزة]
مش ده اللي ميزته على اللي معاك في تفاصيلك؟
وخليته زميلك
مثل عليا إبن اللئيمة كده زي ما بحكيلك
طب قولي إيه إستفدت منه؟ يا موزة فهمني
ولا حاجة يا إبن أمي
اللي زي ده خسارته مكسب، يا دبابة إفهمني

[اللازمة: إسلام كابونجا وأحمد موزة]
عايزة تعرفي إنتي عندي إيه؟ هقولك
إتطرشي أحسنلك
علشان هقولك إنك ولا حاجة بالنسبالي
رايحة تقولي إنك ماشية معايا
وبتعملي حكاية
هو أنا مش لسه إمبارح مديكي العالي؟
[المقطع الخامس: إسلام كابونجا وأحمد موزة]
عايزانا نرجع، طب قولولي إزاي هحنلها؟
أنا ياما قلتلها
إن النصيب عكس الحياة دايمًا بيعملها
غير النصيب، تبطلي نكد وصوت عالي
أنا شغلي أولالي
هتبقي غالية في نظري لو شفتيني أنا غالي

[اللازمة: إسلام كابونجا وأحمد موزة]
أنا عندي أخ لو زعلت يخربها
أنا مش بحزبها
بس إنتو عمركو ما هتيجوا في ضفر شقي
أنا آه بقعد معاكو بس سري معاه
عمري ما بنساه
وعمري ما أنسى في يوم وقفته جنبي

[المقطع السادس: إسلام كابونجا وأحمد موزة]
المجرمين سابوا العراك، ما بيمسكوش نايڤ
بقوا يفتحوا لايڤ
واللي زمان كان بيقول حكم، قال كبسوا وشيروا
وليل نهار ما بيقفلوش، ع الشاشة بيناموا
بالحوت بيحلموا
وبدل ما بيقولوا يا بيسو، بيقولوا أرحبوا
تعرفني أو ما عملتنيش، تذكرني هتعدي
وهتمشي على حسي
‫‫قول لكبيرك "عمر أبو جاد"، هيقولك "عمي"
مع أي حد وفي أي أرض، أنا إسمي يالا مافيا
في حدايق القبة
أنا إسمي عمر أبو جاد، ضربتي مالهاش يا أخويا صدّه