[المقدمة]
فيجو الدخلاوي

[اللازمة: حمو بيكا]
في هجومي أكشنجي بفنش
هديك مشط هتتمكيچ
إسمك هلغيه وأشطبه
وأي أسامي قدامي تتهمش
بلغوا خصمي وقولوله
يهرب مني قبل ما أطوله
علشان لو شفته هكمشه
وطقم سنانه هوقعهله

[المقطع الأول: إسلام كابونجا]
أشرف خريطة أسطورة عايشة
إسمه يشرف وبند قديم
محبوب في جيهته، عايش بسيرته
أشرف خريطة في مدينته زعيم
الكل يشهد في أي مشهد
إنه كفاءة في أي مكان
جدع وراجل بدون مقابل
الواجهة التوتة أبو ريان

[المقطع الثاني: إسلام كابونجا]
الإنطلاقة جاية برشاقة
أنا كلي طاقة، رجعتي هتخض
أنا زي ما أنا لو غبت سنة
هفضل أسد ومش شايف حد
جايين في طص مش جاي في جس
نفسك طويل كمل وصد
هتريس وأدوس، واثق هفوز
وفي أي حتة مع أيها واحد
[اللازمة: حمو بيكا]
أنا خصمي اللي معوره
اللايڤ اللي مطيره
يفتح بالليل يكرت ويطير
‫‫ويقول "كبسوا، شيروا"
كان جاي عاملي سبارتا
علمت عليه، إديته خبطة
جرب حظه وعرفته تمامه
أونطة وفعله أونطة

[المقطع الثالث: إسلام كابونجا]
حبة جراوي جاية في تخطير
في خمسة متر عاملين أساطير
اللي إنت شايفه برة عامل بطل
جوة القسم تشوفه دوبلير
بيقولوا إحنا اللي جرحنا
مع إنهم إتهروا تعوير
ما كفاية كرف، إرجعوا للخلف
يلا يا حشرات خشوا البير

[اللازمة: حمو بيكا]
إبعتلي لوكيشن بيتك
ومسافة السكة هاجيلك
لو تصدق مرة معايا
وتلعب جولة، يا هتية ههينك
أنا كل ما أقولك يلا
ونحدد نلعب جولة
تقفل تليفونك تهرب
وتخاف تيجي يا عم الحملة
[المقطع الرابع: إسلام كابونجا]
المرشدين متوزعين
على كل إمة هتلاقي إرشاد
رافعين شعار هنجيب منين
أصل مرتبهم في الأجازات
خلوا خواتنا فارقوا حياتنا
الحلو فاتنا وبقينا في مر
لأجل الإرشاد عملوا إستبعاد
أصل ما فيش منهم أي مفر

[اللازمة: حمو بيكا]
أنا أخويا أسد وفي عزه
ولا حاجة في الدنيا تهزه
وما شفتش زيه جدع وأصيل
ولا حد في طيبة قلبه
صاحبي الكارت الكسبان
وبيوفي وعمره ما خان
أزعل على زعله وأموت من أجله
أمشيله في أي مكان

[المقطع الخامس: إسلام كابونجا]
فعلاً أميرتي، بنتي وحبيبتي
دي علمتني معنى الغرام
عاشق السهر ويا القمر
على صوت كلامها أنا بس بنام
إنتي وربي خطفتي قلبي
كلمة بحبك دي تبقى شوية
وإنتي معايا حلوة الحكاية
يا أجمل بت شافتها عينيا
[الخاتمة: إسلام كابونجا]
أشرف خريطة ده برنس
الأسطورة واحد بس
اللي بيجي مع خريطة
بيحس بكسرة نفس
لو تتذكر الجدعان
تذكر توتة أبو ريان
يكفينا فخامة إسمه
ده الواجهة في أي مكان
ده الواجهة في أي مكان