[المقدمة: إسلام كابونجا]
سندال وقلبه من حجر
إيه، عايزين تعرفوا أنا مين؟
أنا المحترم الصايع اللي عمره ضايع
وعلى رأي المثل، قالك عيشها صايع نزيه
مش عيل تسول كلها بتيجي عليه
هشش، عشان ماندو العالمي يخش
ماندو العالمي

[إسلام كابونجا]
مش عايز حد عني يدافع
ده ربنا وحده اللي نافع
أنا على نفسي بترافع
لو الحضور يشهدوا زور
لوحدي متكفل بحربي
أنا مش عايز حد جنبي
جدعنتي معاكوا هي ذنبي
أنا كنت ماشي بالأصول

[حودة بودة]
الشغلة على جريمة
عركة سببها خصومة قديمة
واحد محموق لصحاب زينة
وإتحط مكانهم
راح خصم مع كله
علشان من جدعنته إتغلوا
وصحابه مع أخصامه بيحلوا
وخافوا على وشوشهم
[إسلام كابونجا]
أنا الفارس، يا دنيا إفهمي
عجماوي ومشرف كوكبي
المتعامل حمو الچوني
يتعامل مع بلد بحالها
أحمد ناصر إسمه خطر
عجماوي ويشرف بشر
اللي يخصم معاه خسر
أخصامه لو بتطير يطولها
سندال وقلبه من حجر
شاف دم قدامه إتسعر
الكل عايزه يتكسر
أصله كاتم على نفسهم
كل الصحاب إتبخروا
واللي عاملين بيعوروا
تخلص العركة يظهروا
والشغلة في الأساس شغلتهم

[حودة بودة]
من أجلهم إتورط
في الآخر هو اللي إتغلط
بقى ياكل براشيم ويشرط
جض من الناس
الشاب بايع قلبه
على طول ماشي سلاحه في جنبه
عقله زميله ودراعه صاحبه
الأسد إتشرس
[إسلام كابونجا]
لما كله مشاها ميري
ما لقيتش غير واحد زميلي
خطوته على خط سيري
إتنين بقلب راجل واحد
صاحبي على مبدأه ثابت
مع إن نص صحابي خابت
والباقي شافني في شدة طارد
صاحبي جدع وقلبه قاعد

[حودة بودة]
سكرة مطولة
جت بالغلط، دارت مشكلة
شديت وش في لحظة عمى
جيت على راجل
خلصة يا محكمة
ندمان ع الخبطة أوي أنا
أنا مش مفتري وربنا
ولا قلبي شايل

[إسلام كابونجا]
أنا مسجون جرايم نفس
مع إني نضيف، مش وش حبس
دخلت حجز كله جس
والجرارات في الفخادات
مسجون جرب يجس نبضي
‫بيقولي "إنت على أرضي"
على الأسفلت، مش دلوقتي
هنصفي بينا الحسابات
[حودة بودة]
الحاكم برائنا
نفس اليوم مع بعض خرجنا
وساعة ما الأسفلت جمعنا
إديته كام سكينة
مش حملي، إزاي أنافسه؟
فيا إتخم وغفل نفسه
جه يطصني قمت أنا طصه
بقى مالهوش قيمة

[إسلام كابونجا]
خصومة دايرة للأبد
أخصامي كمالة عدد
ليكم معايا مستند
مزاول جاي بدمار شامل
عايزين تشوفوا شكل الأكشن؟
بس الراجل يثبت ويخشن
كل اللي خبطه يعمل منشن
هتعامل مع جيهته بالكامل

[حودة بودة]
أنا هقصف الجبهة
وهروح لحبيبتي في شارعها
وهثورجلها وأنزلها
وهاخدها وأمشي
هخطفها في قلبي
مش عايز غيرها تكون جنبي
دي حبيبتي وصاحبتي وجماعتي
روحي وعشقي

[الخاتمة: إسلام كابونجا]
حمو چوني رجولة ونزاهة
جدعنته بالدنيا كلها
هتخصمه تخش في متاهة
حمو چوني مش بيحل
هاني سبرتو سندال في جيهته
وبالرجولة بتيجي سيرته
چوني وسبرتو إخوات يصدوا
مع اللي جاية معاه بغل
الفارس المغامر
مع أيها حد بيتعامل
يعني المتصيت أحمد ناصر
جارح أبطال
هيدغدغ ويكسر
تضربوا خراطيش، مش بتأثر
أسد العجمي إبراهيم الصغير
قلبها دمار
السيد الصغير بب
مشرف نفسه شرق وغرب
عريك، بيروح في أي حرب
الكينج السيد الصغير
فارس الكوتي الصيت العالي
الكوتي ده الجدع الغالي
الفارس تحترمه إجباري
عجماوي، من زمان مسيطر
حودة بودة فنان الغلابة
إسلام كابونجا ده الدبابة
جندوفلي ياض معروف بالبابا
ديشا المصري يعني التوينز
ماندو العالمي في التوزيع
كلها عارفة إنه فظيع
إحنا المجال بتاعنا يابا
حاطين على كل الجرابيع