[المقدمة: إسلام كابونجا]
لما القاضي نطق الحكم
حسيت إن أنا جوة حلم
أمي واقفة بتبكي عليا
سندها وبتسندني هي
إقعدوا إنتوا إتكلموا وإرغوا كتير
وأنا هسكت وهعمل مش سامعكو
عارفين ليه؟
عشان الصمت آخره جبروت
هشش، عشان فيجو الدخلاوي يخش
فيجو الدخلاوي

[اللازمة: كلوشة]
الحبل لف ع الجرار
والضربة تقطع الأوتار
هنتعاركوا بمن حضر
الحرب قامت ع المجرة
في العركة تسقط الرتب
والعين مش بتشوف من الغضب
الدم يوصل للركب
الدنيا دي أصلاً مغامرة

[المقطع الأول: إسلام كابونجا]
ثابتين وجودنا ع الجميع
عشانا بتخلص مواضيع
بنعرف نتعارك ونصيع
وبنعرف نبقى مثقفين
المحترم نحترموه
واللي يصيع بنضربوه
شارع الكومي تعرفوه
شارعنا جاب مقاتلين
[المقطع الثاني: كلوشة]
العجمي مش بتجيب جبان
العجمي دايرة الفرسان
متصيتين وصيتنا واصل
من غير تناكة وعوجان
حودة السورس الشاب النزيه
وحمو سكيب قلبه عليه
صابر الدبابة اللي يعاديه
هيجي عليه الزمان
ما فيش تبادل ع النضارة
ما فيش واحد نازل زيارة
عنبر هعنبر عنبرة
من الهم مش من الصرصرة
الخبط لو من ع الحديد
تستاهل تتقطع الإيد
ع الشرطي ست شهور مبيت
عايش في غابة ومجزرة

[اللازمة: إسلام كابونجا]
عايش في مصلب كله دم
بقطع جسمي من الهم
القطر ده زميل السكن
جوة الحجوزة إلغي الزمالة
صاحب دراعك قلتلك
كام روح لاففها في نصلتك
في الحجز تعلى رتبتك
بأحكامك المسجلة
[المقطع الثالث: كلوشة]
بقول مش فارقة كتير يا بيه
على الدنيا السلانكتيه
‫لو أعمل كشف DNA
أنا هطلع واحد إبن موت
من عنبر لعنة فوق الأرض
الميري ما بيصلحش حد
رسالة للي ع الأسفلت
الحبسة أوسخ من التابوت

[المقطع الرابع: إسلام كابونجا]
الهجمة كل شوية تنزل
ودماغي من اللي شاربه تفصل
بكسر اللمبة وزي ما يحصل
لو هتشحن ع الإنفرادي
القفل داب من العذاب
بقى الخبط من تحت الباب
والأوضة كلها إنتداب
كله بيتعامل تلاتاتي

[المقطع الخامس: كلوشة]
ما لقيتش ع الأسفلت راحة
والحبسة صعبة أوي الصراحة
هنعيشوا فين؟ ما فيش مساحة
فوق للكلام يا عقباوي
بقول خليك يا حظ فاكر
ما لكش عليا يوم جمايل
ما أنا عارف إني بختي مايل
ما بقاش في حاجة أصلاً تساوي
[اللازمة: إسلام كابونجا]
لما القاضي نطق الحكم
حسيت إن أنا جوة حلم
يا ريتني كنت شربت سم
أو كنت قطعت الوريد
أمي واقفة بتبكي عليا
سندها وبتسندني هي
عارفة لو كان ياما بإيديا
هكسر عشانك الحديد

[المقطع السادس: كلوشة]
أنا كل عروقي متخدرة
أعضاء جسمي متكسرة
كتر الظلم والإفترا
شرسني على المساجين
السهرة سنين بتعدي يوم
أنا مسحول جوة هموم
في كل جلسة يجددوا
اليوم جوة الضيقة بيومين

[اللازمة: إسلام كابونجا]
يا ألف مرحب بالجلب
أنا ع الملأ بنتدب
كل اللي جاي قلة أدب
ما الإحترام ما جاش معاكو
إسمع يا شاب، إسمعي يا شابة
أنا ضاعت مني المحبة
أنا من الحب بستخبى
أنا مش رومانسي، أنا هولاكو

[المقطع السابع: إسلام كابونجا وكلوشة]
إخوات لحد آخر ثانية
إحنا أجدع صحاب في الدنيا
إسأل علينا في أي حتة
على بعض بنزعل كمان
مع بعض ع الحلوة والمرة
صيتنا مسمع جوة وبرة
أهم حاجة النية سالكة
أصل السلكان رمز الأمان

[الخاتمة: إسلام كابونجا وكلوشة]
الحبسة وحشة صدقوني
خراب بيوت، ما تفهموني
حبسولي أخويا قصاد عيوني
حكموا عليه بتلات سنين
السورس بيقول مش سعيد
طول ما أحمد حشيشة بعيد
الحكم مش سهل وشديد
السورس من أجله حزين
زيكا المطروش ضارب خرطوش
لوحده بيعامل جيوش
قاطع أوتار، شادد وشوش
زيكا بينفذ مش بيجس
توتا الزغبي ده العسلية
جدع ويشرف بشرية
خصمه ما لهوش عندنا دية
التوتا برضه واحد بس
حودة السورس ده النكشنجي
وقت العراك أخطر أكشنجي
إسمه مشرف ميري وملكي
شارع الكومي مربع موت
عجماوي متصيت يا دولة
عمره ما خسر أي جولة
حمو سكيب فارس المزاولة
وقت المعارك جبروت
إحذروا لو سحب سحابة
بالنسباله إنتوا غلابة
الكينج صابر الدبابة
أسد ومن جيهة أسود
من الهانوڤيل الإنفجار
شارع الكومي ده الخطر
صحي المناطق والبشر
إحنا ما بنخافش من الموت
سكينته ع الأندال مطروشة
المتعامل أخويا أوشا
هتيجي معاه يديك خرطوشة
أوشا الكوماندو والزعيم
عمري ما شفته في مرة خايف
صارف مع أي حد كارف
المسا لچنتل شارع الكومي
خالصة معاك يا نور يا عاطف
شارع الكومي أخطر أرض
شباب قلوبنا على بعض
عمرنا ما كبرنا لحد
أخصامنا عاشوا في الجحيم
الله يعوض، الله حي
أحمد حشيشة بكرة جاي
يفك الضيقة يا باي
ويرجعلنا بالسلامة
أحمد حشيشة لما غاب
ما لقيتش من بعده صحاب
يا سجن إفتح الأبواب
الغيبة طالت بالأمانة
حمو سكيب ضحكته مسافرة
عشان الحبسة بجد كافرة
بيقول لحمو علي هانت
واحشني خالص على فكرة
أحمد علي فيكي يا ضيقة
غيابك زعلني حقيقة
ما رحتش من بالي دقيقة
في بعدك مش قادر أعيش
ستار كلوشة عليكو إتغابى
إسلام كابونجا ده الدبابة
فيجو الدخلاوي في التوزيع
معروف بإنه أسد الغابة
ديشا المصري كتب الكلام
من يومه معروف من الأعلام
إدارتنا ده وليد لمبادا
كله يضرب تعظيم سلام