[المقدمة: مجدي الزهار وإسلام كابونجا]
أنا مش بتاع أي مشاكل
بس جاتلي صفقة مشاكل
قلت عادي أعيش مقاتل
وفي خصمي أضرب
مضروب من البيلا ومن الآيس
يا أسطى إنت كده بقيت ع البايظ
ولا إنت شايف نفسك نايس؟
ده فكر حمير
ياو، أمجد الجوكر

[إسلام كابونجا]
كل اللي جاي ع السكة إتشاط
محسوبكو دايس ع الإنارات
لو إنت بتطير أنا ع الأرض
ثابت ما بتهزش
مع أي حد في أي مكان
جدع وبزامل الجدعان
طلقك فاضي، طلقي مليان
قابلني ليلة إتنين

[مجدي الزهار]
أنا مش بتاع أي مشاكل
بس جاتلي صفقة مشاكل
قلت عادي أعيش مقاتل
وفي خصمي أضرب
شبح في ليل وفي نهار
دكن وكل يوم حوار
جولتي عبارة عن دمار
وتملي بكسب
[إسلام كابونجا ومجدي الزهار]
الدنيا ديا متوهاني
ومشياني تخاطيف
ولا طلت من الأيام غنى
ولا طلت صيت
عمال بقدف في الزمن
وبحره عالي غويط
صاحبي الجدع سابني وجرى
ومقضيها تكريت

[إسلام كابونجا]
أنا عايز أشوف لقطة رجالة
فكك من الواتس ومن الحالة
ولا الكزالك مش شغالة؟
بتاعة تصوير
مضروب من البيلا ومن الآيس
يا أسطى إنت كده بقيت ع البايظ
ولا إنت شايف نفسك نايس؟
ده فكر حمير

[مجدي الزهار]
لو جاي منك يلا قول
نلعبها جولة بالأصول
بس نصيحة إنت مقتول
زي اللي قبلك
إظهر سلاحك يلا يا ذوق
إنزل لاعبني يلا روح
ضربتي جامدة، تروح لفوق
عند اللي خلقك
[إسلام كابونجا ومجدي الزهار]
قلبي اللي كان طيب قسيته
عقلي اللي كان غلطان قويته
خصمت إحساسي ووريته
مش عايز ألمح يوم عينك
هتروحي وهترجعي مش هاجي
أصل اللي يمشي بيجي بمزاجي
على قلبي دوست، عليكي مش باقي
بقى في كتير غيرك

[مجدي الزهار وإسلام كابونجا]
حبيت في يوم لكن إتخدعت
من حب كنت شاريه
يا خسارة حبي يا بنت قلبي
ضحيتي بيه وبعتيه
مريضة بجد وعقلها
بيحب أي جنيه
غدرت ببيتها وأهلها
هتعمل فيا إيه؟

[مجدي الزهار]
كتير أعداء ما تهزنيش
في أي أرض أروح وأعيش
ساعة المشاكل ما أجليش
قلبي خطير
فوق يا عم بلاش تستغرب
لسه اللي جاي كله أغرب
ساعة هجومي أنا بكهرب
وتخاف يا زميل
[إسلام كابونجا]
في النوته كله هنا بيتسجل
أما الحساب ع العادي متأجل
يا خاين إنت تمامك چركن
وهولع فيك
أصل الخيانة مبدأها خيانة
فوقلي يا إبني إصحى معايا
أيوة الكلام على خزنة دانة
مش شغلة كيف
مش شغلة كيف

[مجدي الزهار]
مطرشة، مطرشة، عليكو مفرشة
خرطوش، مطاريش، كزالك ومطروشة
في ثانية لمتكو نفركشها
مفكرين إنكو أبطال
فوق يا هلفوت منك ليه
وكله عندي قديمه وماضيه
وعمري أنا في يوم ما بجلي
معروف في جيهتي أسد سندال

[الخاتمة: مجدي الزهار]
محمد توتي ده خيال
جرأة ما يخافش من الأخصام
محمود أبو سنة ده التمام
واثق في نفسه
قدامه أي خصومة تولع
ده عم جيله أخويا الزولة
صلاح حلمي غشيم، إحذر الجرح
ما تجيش معاه
محمود البلدوزر دمار
على أي خصم ضارب بالنار
كريم خشبة هو الحوار
أعداء تهيبه
أبو حبيشة عم المجال
شرابية أخويا من التقال
في السوشيال ميديا تقيل يا خال
ده ما فيش بديله
النجم ده مجدي الزهار
إسلام كابونجا صوته نار
القلم الجامد كتب كلام
وزعها الجوكر