[المقدمة: إسلام كابونجا]
أيوة، إسمع نصيحة اليوم
آكل كلب هيطمر فيه
عشان البني آدم نساي
وكله عامل وضع الزعلان
هتصالح كل دول إزاي؟
هشش، عشان يوسف أوشا يخش
خش يا أوشا
عازف أورج يوسف أوشا

[اللازمة: كريم كريستيانو وإسلام كابونجا]
ألف رحمة وألف نور
ع المبادئ والأصول
كل أما أمشي الطريق معدول
ألقى الطريق يحود شمال
مين فينا ما إتولدش نضيف؟
والدنيا خليته مخيف
بشوف خيانة وتخاريف
سندال وجيت في زمن أندال

[المقطع الأول: كريم كريستيانو وإسلام كابونجا]
أنا أنا واد أكشنجي وماشي بسونكي
بخصم ليل ونهار
وبقيت عاشق الدم ومش مهتم
وكل دقيقة في حوار
الشاب الطالب بقى مجرم
قاتل مع سبق الإصرار
إتحطيت في الدنيا لوحدي
ما شفتش عم، ما شفتش خال
أنا بسند نفسي بنفسي في زمن
اللي بيسندوا نفسهم أبطال
بتعامل برجولتي وبتعايش
على أيها وضعي وحال
[اللازمة: كريم كريستيانو وإسلام كابونجا]
حاولوا تاني وخططولي
برضه مش هتوقعوني
أنا هفضل زي ما أنا
وإنتو ولا تفرقولي
مين جاهز يبقى الفريسة؟
ياخد عدله ويجي ساحب
معروف إن أنا فيا ميزة
ما أضربش سطحي، بضرب صايب

[المقطع الثاني: كريم كريستيانو وإسلام كابونجا]
حرص من أخصامك مرة
ومن صاحبك حرص مليون
ممكن يبقى بياكل أكلك
يلبس لبسك عادي ويخون
الأصحاب مش زي ما هما
الأصحاب دلوقتي بـ ١٠٠ لون
إعمل سيرة ومسيرة وبص لنفسك
وإفهم رايح فين
وإياك تعمل جدع، الجدع إتلدع
إعمل يا زمالة قرشين
دور حالك وإياك تعطل
ما تشمتش فيك الحاقدين
أحمد فوكس زعيم المرج
ده كينج وعنوانه ما يتوهش
أحمد فوكس باعت بيقول
كل اللي عايزني أنا بيتي في الوش
إسأل وقول مين أحمد الفوكس
هتعرف إن أنا ما بهزرش
[اللازمة: كريم كريستيانو وإسلام كابونجا]
نص الدايرة عايزة كنسة
من التعريض ومن الموانسة
ناس مستنيالنا فرصة
عشان يرنوا ويبعتونا
المرشدين جابت أجلنا
مش عايزينا نظبطوا حالنا
على طول يا أخويا متربصينلي
مرشد في كل بلكونة

[المقطع الثالث: كريم كريستيانو وإسلام كابونجا]
صاحبي وأخويا وزميلي من صغري
ده هو الشق ونن عينيا
على مبدأ، من صغره سالك
ومعاملته ما فيهاش غير رجولية
أنا بتشرف بيك وبقولك
إن إنت وبس اللي ليا
أيها حرب دخلناها أنا وزميلي
يبقى المعركة بتاعتنا
إحنا عملنا الصيت والحمد لله
كلها مشيت على صيتنا
ناس ياما أوي بتحاول توصلنا
ناس ياما أوي بتقلدنا

[اللازمة: كريم كريستيانو وإسلام كابونجا]
يخرب بيت الجمدان
هو في كده يا جدعان؟
البت جاية من لبنان
تقبرني هالإمكانيات
أنا لو هوصف مواصفاتها
هخاف وأنا بوصف أحسدها
ده حتى وهي في عصبيتها
تبقى عسولة وشربات
[المقطع الرابع: كريم كريستيانو وإسلام كابونجا]
أنا من أجلك هعمل أيها حاجة
بت أم عيون عسلية
تستاهل ميس إيچيبت في الرقة
دي سكر وحلاوة طحينية
بهرب من كله وأروحلها
علشان حضنها مليان حنية
لما تشوفني مكشر أو زعلان
ممكن تقتل نفسها
بفضل أزاول فيها وتنكشني
عشان أفرفش وأضحكلها
هي زميلتي وبنتي وبيها بتشرف
من قلبي بحبها

[اللازمة: كريم كريستيانو وإسلام كابونجا]
باعوا باعوا لما شافوا
حد غيري كان بديل
شافوا وشي تاني خافوا
العذاب صبح وليل
الخيانة حاجة صعبة
خصوصًا لو من حد منك
أنا عندي أروح أسكن في تربة
ولا يقولوا اللي خانوا زمايلك

[المقطع الخامس: كريم كريستيانو وإسلام كابونجا]
جاي في ندب وحرب، ستوب يا كلب
هتتحط مع غزال
إقفل بُقك يا أسطى، بلاش تكريت
مش أي كلام يتقال
الكلمة إحسبلها قبل أما تقولها
بلاش تخريف يا شوال
كسر، دمر، عمر، فجر
وقع أي واحد طيار
موت قلبك وإخسر صاحبك
لو حسيت إنه غدار
علشان صاحبك ممكن يخلع
لو فجأة هيعلى التيار

[اللازمة: إسلام كابونجا]
عندي مطوة ٧٠٠
عاملة ٧٠٠ قضية
إنتو مطاويكو تلمة
وأنا مطوتي بندقية
ما تفككو من الأونطة
مش هحلكو النهاردة
الحرب بسكينة باردة
حفلة عذاب الليلة ديا

[الخاتمة: إسلام كابونجا]
أحمد فوكس عم جيله
فوكس ده زعيم تشكيله
فوكس ربنا كبيره
وإنتو أي حد كبيركو
ميشو المرشدي الرياسة
ميشو المرشدي مدرسة
عشانه أي موضوع منهي
أي حاجة خالصة مخلصة
هتيجي في سكته تترازه
الأسطورة ده عصام ظاظا
چنتل لكن قلبه محارب
قدامه كله واخد أجازة
ناس ياما عايشة على حسه
دايمًا كاسر عين اللي ينافسه
إبن الأصول الترجمان
أخويا هو إسلام إيزو
كريستيانو ده الغزال
كابونجا دبابة المجال
يوسف أوشا عامل إحتلال
رقم واحد يابا بجدارة
بودي الإكس كتب الكلام
دولسيكا إدارة تمام
يوسف القناص أعلى إدارة
وإسلام لوما شاب تمام