[المقدمة: إسلام كابونجا وكلوشة]
بقوم من نومي على صوت السجان
نايم ما بين بشر ما ليها أمان
طلعنا أشوفلي أباشا أي طريق
ومش هتشوفني تاني في قواضي
لو دقت السجن وفرشته
هتتمنى ما تجيش على سكته
وربنا يفكها عليك
يا اللي مديت للسجن إيديك
الحبسة وحشة
هشش، عشان مزيكا يخش
مزيكا العالمي

[المقطع الأول: إسلام كابونجا]
الفرحة مش بتدق بابي
عقبية من وأنا في شبابي
كاتب على السجون كتابي
مسجون مخصم الأسفلت
بسف كل يوم شرايط
خلف الحديد تملي بايت
جسمي عامل زي الخرايط
في كل شبر ألف خط

[اللازمة: كلوشة]
بقوم من نومي على صوت السجان
نايم ما بين بشر ما ليها أمان
في ثانية إلا ثانية أنا هتخان
والدم جوة الأوضة بالمجان
[المقطع الثاني: إسلام كابونجا]
الله يلعن أم الحكاوي
أنا بسببها عقباوي
بقيت وحش، ع الشر ناوي
سلاحي صاحبي، مش بسيبه
الدم بالنسبالي نفس
الصبر جوة مني خلص
أنا إتحولت شخص غلس
العيب يا ناس ما أعرفش عيبه

[اللازمة: كلوشة]
حديد حابس قافل على الجدعان
الحبسة لمت مختلف الألوان
وأنا في بحر السجون يا أبويا غرقان
ونفسي إني ألاقي بر أمان

[المقطع الثالث: إسلام كابونجا]
مسجون رزل رامي البطاقة
قاعد سنين ماليش براءة
جرايم نفس، كام خناقة
القاضي قال حكمه ودفني
دخلت دنيا زي غابة
عالم غدارة كالديابة
لازم أعيش وسطيهم يابا
ما أنا لو طيب هيقلوا مني
[اللازمة: كلوشة]
فان ديزل الحجوز، مسعور دم
جرب حظك معايا يلا يا عم
الجولة بينا قايمة ع اللي يخم
معاك سلاح ولا أحدفلك يا خصمي؟
أنا مش بتاع كلام، بتاع تنفيذ
الضرب معايا مبدأه التعجيز
جولتي لازم يبقى فيها تركيز
علشان خفاش بطير، ما فيش مني

[المقطع الرابع: إسلام كابونجا]
عنبر يا عنبر المقاسي
عايزك تبدل الكراسي
أنا اليتيم في وسط ناسي
نسوني في الضيقة وسابوني
منهم لله المرشدين
اللي حطوني في الكمين
قاعد على عشر سنين
المرشدين دول ضيعوني
إلحقوا مين ساحب عليا
القراميط الكفتجية
واحد في وسط ٣٠٠
سكينتي سلك مفترية
قرقشت موس، هتفه تفة
هقطع الوشوش بخفة
هاخد الأخصام قدامي لفة
اللي هعمله مش شوية
[اللازمة: كلوشة وإسلام كابونجا]
أمي وأبويا وحشوني يا قاضي
فراقهم صعب أوي، مش عادي
وحكم سيادتك كان صراحة قاسي
بس أنا باللي بتقوله راضي
بيتي وحشني، نفسي أبقى طليق
الحبسة فيا عمرها ما هتليق
طلعنا أشوفلي أباشا أي طريق
ومش هتشوفني تاني في قواضي

[المقطع الخامس: كلوشة]
جت الزيارة، الكشف خالي
يا عم النسر مين اللي جالي؟
قالي ما فيش نفر يا غالي
دموعي جريت من عيوني
دوست على الوشوش برجلي
في ناس إتعوروا لأجلي
حمل قدامي كانت بتجري
ما صعب إنهم يقدروني

[المقطع السادس: إسلام كابونجا]
طب يلا بينا جولة حرة
كل العريكة تيجي برة
أنا هكسب زي كل مرة
من النضارات هيسقفولي
مراحب بالنسور مراحب
واقفلكم في الطرقة ساحب
أحسن ليكم نكون حبايب
كفاءة أخسركم بطولي

[الخاتمة: إسلام كابونجا وكلوشة]
كابونجا دبابة مجالك
يا كلوشة أنا بعشق أدائك
سيد مزيكا إنت بابا
من حقك تلعب في الزمان
أبو ملك قلم مصر باشا
حودة العفريت خطر ع الشاشة
حمو كلوشة ده الإدارة
عمر الكومي هو الباشا
العجمي دولة جوة دولة
الهانوڤيل جابت عتاولة
مساكن الصينية جيهة
كل الحمل بتكش منها
أنا عجماوي، الصيت بتاعي
ماليش صحاب، صاحبي دراعي
مينا البصل، مينا الرجولة
دي جيهتي أموت عادي عشانها
ده يستحق إسم فارس
جوة وبرة عامل كوارث
خمسة عليك، الرب حارس
الفارس هو عطوة الزاهد
أرض الرضوان جابت زميلي
ده إبن أبويا اللي صافيلي
الحملة عبده البرازيلي
ده عمره يوم ما تهز هز
عوجان ده إسم على مسمى
واحد كفاءة يقوم بلمة
ميدو عوجان رجولة شاملة
أسد بيحكم العرين
الكينج ده حسام الصغير
ده قلبه قاعد زي هتلر
إوعاك قصاده يوم تكتر
چون سينا ده دراعه اليمين
إيهاب الأفريقي كفاءة
ده قد أيها خناقة
الطاطا رامي البطاقة
أخصامه قدامه متساقة
الباشا رضا علي راجل
جدع، سندال ومتعامل
هتعادي رضا علي قابل
اللي هيحصل فيك يا خايب
أرض أبو يوسف فيها صايب
الحملة قاسم المحارب
على الأخصام تملي ساحب
ده خلى خصمه جسمه سايب
ربنا يفكها عليك
أنا شبيه ما شفت ليك
طارق يا أوبش إنت أخونا
الكون بحاله بين إيديك
الحملة مؤمن السفاح
القلب عنده غير متاح
هو صاحب سوق السلاح
في العركة بيضرب بالبوازيك
عمر خالد يعني الصعيدي
بيجري أناس جوة وريدي
زياد كلاسيك قلبه قاعد
ما تجيش عليه، هتموت يا سيدي
حمو الشحات رجولة كاملة
ده عمره ما بتشغله عملة
عبد الله بربش قوة شاملة
وأونلي ده أخويا وزميلي
سعد العمدة مالوش منافس
علي عيسوي قافل المنافذ
السن على أخصامه تارس
في العجمي دول ثابتين وجود
حمو سكيب الجميع يهيبه
حسن عيسوي أخوه حبيبه
عندك عريك روح يلا جيبه
أسامة الماوي من الأسود
مؤمن طرزان بابا مجاله
ده الأصلي والباقي أشباله
طارق كارثة ده عم عياله
جوة المجال دولا الأساس
فارس الزيو عم جيله
بلاطة ده صاحبه وزميله
أخوه اللي ليه، ده اللي صافيله
هتجيلهم ع السكة هتداس
إسلام سيدوقا البرازيلي
أخويا وحبيبي وزميلي
محمود غنيم دي هي جيهته
ده هو أخويا اللي باقيلي