[المقدمة]
طمنوني عني، أصل أنا مخصمني مني
لولا دعوة أمي ليا كان زماني ضايع
قبل صوتي قلمي حكى عن حلمي
أي فعل أكيد ليه رد
ماندو العالمي

[المقطع الأول]
مش هيوطى صوتي مهما زادوا البصاصين
غبت على موتي رغم أنف الحاقدين
أنا فين وإنتو فين، أنا هنا من سنين
أما إنتو فترات، مبتدئين بتوع يومين

[اللازمة]
لما بنطل بنلغي الكل
إحنا ١٠٠ فل وإنتو ١٠٠ جني
الهيبة أساسنا، باينة في وشوشنا
إنتو نظراتكو رايحة للماني
الجنيه يجيبكو وبيوديكو
الرجولة فينا بس مش فيكو
تكبروا علينا تحت رجلينا
إحنا أسامينا لاغية أساميكو

[المقطع الثاني]
أنا من الحديد والصلب وأتشرف إنها جيهتي
ما أنكرش برضه إن جيهتي الأساسية بحري
مصطفى بحري إسمي، أنا نمبر وان رسمي
شادي الضفدع في قلبي، شادي الضفدع إبن دمي
قالوا شكله جاله ورث من حيث لا يدري
قالوا شاف حلو الحياة وربنا رزقه بدري
ما شافوش تعب سنين، ما شافوش كلام يهين
شافوا عربية وطقمين، قالوا مبسوط وأنا عليا دين
[اللازمة]
اللي هيحصلني يكسرني
في البلد دي ما حدش يشغلني
عدة وفلوس، سلطة ونفوز
اللي حلو في جيهته خلع مني
من تالت چوب مخي طار هب
مالڤدو في شوب، سكرة هيلا هوب
شديت الهاند في حفلة خبط
الدماغ مش طالبة بحد

[المقطع الثالث]
طمنوني عني، أصل أنا مخصمني مني
واللي كنت أولى بيه من طيبتي راح لغيري
بحر من الدموع، شرب أي نوع
مش هجيب رجوع لو حتى وصلت أموت من الجوع

[اللازمة]
دبابة براند، حملة ع الأرض
مش شايف حد يعني يترند
قبل صوتي قلمي حكى عن حلمي
أي فعل أكيد ليه رد
أيوة أنا الواقع، أيوة أنا الشارع
إنت مش بارع، إنت مش صايع
إنت ليه بايع؟ أنا مش بايع
بس سكوتي أصبح مش نافع
[المقطع الرابع]
لولا دعوة أمي ليا كان زماني ضايع
وبقيت واقف على رجليا بعد ما كنت صايع
النزاهة حلوة والشقاوه بلوة
خلي اللي جوة جوة واللي برة يابا برة

[اللازمة]
طيبتي كانت ذنبي، دمرولي قلبي
حولوني زومبي، مين اللي كان جنبي؟
غير واحد صاحبي، صاحبي كان كلبي
جاب معايا إيجابي مش سلبي
شفت من صغري عداوة ع الدغري
شربوني سم، حبيت الكيف
الكيوف لعنة، فوقوا يا فراعنة
الكلام ده مش بتاعنا

[المقطع الخامس]
أي بت حلوة بس هي أحلى منهم
بنت قلبي فيها حاجات كتير تفرقها عنهم
شكلها الجميل، شعرها الطويل
بنتي مالهاش مثيل وإني أبعد عنها مستحيل

[اللازمة]
لما بتهز قلبي بيجز
كلكم فانز، هي مش فانز
هي بطيتي، الحتة بتاعتي
هي أصلي وأول فرز
يا أم عود بوف ترخ ترخ
إنتي لقد وقعت في الفخ
دبابة باعتلك بوسة في خدك
والبوسة هترشق في المخ
[المقطع السادس]
اللي إنت بتموت فيها مغفلاك ومقرطسك
كل شوية ترن عليا لما بكون معاك
بعمل تليفوني صامت، بعمل عبيط وساكت
مش راضي أطسك كل ده ومخلي الشغلة واحد

[الخاتمة]
مصطفى بحري جيهته بحري وجيهته التانية العجمي
الصيت والعدة والنزاهة بإسم مصطفى بحري
بحري جابت مغامر بيديكم أوامر
الچنرال مصطفى بحري اللي مشرف كل الدواير
شادي الضفدع إسمه مسمع يابا في المجرة
شادي الضفدع شاب جدع يشرف أي قارة
هو باشا البلد، إسمه ده معتمد
شادي الضفدع لأي أخ ليه ضهر وسند
مصطفى بحري أي حاجة يابا تحت رجله
عنده إخوات بيعشقوه وكمان يموتوا لأجله
إسمك يا بحري خضة، أيوة إنت ما فكش غلطة
يعجبني فيك يا ديشا إنك بتمشي دماغ كله
إسلام كابونجا يابا ده المتلقب بالدبابة
جندوفلي كتب الكلام، طول عمره هو البابا
ماندو العالمي وزع، ثابت، عمره ما يرجع
يوسف القناص أعلى إدارة، ساحب عليكو سحابة