[المقدمة: إسلام كابونجا]
أيوة، أيوة، أيوة
الإسم من دهب والصيت من فولاذ
والصياعة بنزاهة وأدب والمبدأ حب الناس
إحنا وبس وإردم على أي كلام تاني
أفيجو يا دخلاوي
فتحي الأبيض وزيزو لارچ بيقولولك إبعتهالهم في وشهم
فيجو الدخلاوي

[اللازمة: إسلام كابونجا وحودة بودة]
صيتي عدى، عملت عدة
عشان رميت قلبي الضعيف
والغلوبة صبح محارب
والضعيف صبح مخيف
رحت چيم، بقيت مصحح
إتهديت، بطلت كيف
واللي مني بعدوا عني
لما وقفت المصاريف
هي فين أيام زمان؟
أيام ما كنا بنسهروا
ترابيزة بإسم بلد
مش بحبة إتخطروا
الراجل كان ليه تاريخ
دلوقتي الراجل بمنظره
واللي ماسك عدة أكتر
الباقي بيقدره
[المقطع الأول: إسلام كابونجا وحودة بودة]
عاملين فاقدين وإنتم نتنين
بتسوقوا على مين؟ جاتكو الخيبة
في حضوري بخليكو مش باينين
في غيابي بتعملوا لعيبة
أنا غايب حاضر، إسمي أنا ظاهر
كاتم الأنفاس زي ما هو
إفرحوا شوية، الراجعة جاية
ومش هرحم واحد برة
دايرتنا أصول، بولاق الدكرور
فيها إمبراطور، فتحي الأبيض
واجهة مشرفة، غني عن المعرفة
برة وجوة أخويا متصيت
عندنا وحش ما بيعتمدش
زيزو لارچ يعني زعيم الدايرة
زيزو لارچ جدع، عمره ما رجع
إسمه مشرف أيها دولة

[اللازمة: إسلام كابونجا وحودة بودة]
إنت حلو ويجي منك
بس لسه عليك كتير
مش قاصصلك ياض جناحك؟
يبقى ليه عايز تطير؟
إنت ولا حاجة وصغير
إوعى تعملي كبير
إحنا سلطة، خصومتنا ورطة
إحنا أضعفنا خطير
عندي وبعلم اللي عنده
وجاي عاملي شيخ الغفر
ربنا يسترها عليا
علشان الواحد كفر
لو بقول وقتي بنفذ
عمري ما بكدب خبر
واللي ياخد مني ضربة
وقتي إيده بتتبطر
[المقطع الثاني: إسلام كابونجا وحودة بودة]
أحسن حاجة لما أنا بقرا العين
وبشوف عكس اللي معايا بيدور
فاكريني ضعيف مع إني مخيف
عمري في يوم ما أقبل أعيش مكسور
إنتو مش تمام، فعلكو الكلام
عضلة اللسان بس اللي قوية
إقفوا ما تطيروش، إنتو مش وحوش
إنتو ما تبانوش لو بصيتوا ليا

[اللازمة: إسلام كابونجا وحودة بودة]
كان زمان المأمورية
صعبة لو مجرم خلع
بس دلوقتي في لايف
بتلاقي المجرم وقع
النسور ما بيتعبوش
عارفين مكان المجرمين
أربعة وعشرين ساعة لايف
واللي عليه أحكام يتلدع
آلو، مين؟ هو إنتي لسه
فاكرة إسمي ونمرتي
قلت مش هتعرفيني
لما أغير نبرتي
عارفة لما سمعت صوتك
نسيتيني وحدتي
ليا طلب بس عندك
إوعى عني تبعدي
[المقطع الثالث: إسلام كابونجا وحودة بودة]
أنا سيد الناس، كاتم الأنفاس
من غير عكاز ساند نفسي
بس المشكلة فيكو يا رجالة
ليه تملي بتتغروا في لبسي؟
هتشوفني نزيه تتخم في شكلي
هتيجي تنكشني تلاقي مسعور
مش شرط أمشيلكو عاوج بقي
أنا عايش وسط الناس بأصول

[اللازمة: إسلام كابونجا وحودة بودة]
إنتي مختلفة يا روحي
غيرهم، أنا شايف كده
إنتي أحلى حاجة فيكي
إن إنتي متمردة
مجنونة وبتغير عليا
وأنا برضه بغير عليها
أنا حطيتها في عينيا
وهي حطتني في عينيها

[الخاتمة: إسلام كابونجا]
بولاق الدكرور فرسان الجيزة
هتيجي في غلط هنا تتخرم
فيها إمبراطور بولاق الدكرور
هو الريس فتحي الأبيض
قدام زيزو لارچ ما تتخطرش
عشان زيزو لارچ إيديه سابقاه
بس هتيجي في رجولة وجدعنة
هيقولك إطلب وإتمنى